Viral Video Of Pune Auto Driver : आपल्यातील बऱ्याच जणांना रिक्षाने प्रवास करायला भरपूर आवडते. कारण- हा प्रवास अगदी कमी खर्चीक आणि आरामदायक वाटतो. तसेच बससाठी रांगेत उभे राहण्यापेक्षा पटकन रिक्षात बसून अगदी कमी वेळेत पोहोचता येते. तर, या प्रवाशांचा हाच प्रवास अगदी आनंदाचा होण्यासाठी अनेक रिक्षाचालकसुद्धा स्वतःची रिक्षा अगदी वेगवेगळ्या पद्धतीने सजवतात. त्यात झाडे, आरसा, विविध बॉलीवूड चित्रपटांची पोस्टर्स, तर अगदी गाणी ऐकण्यासाठी स्पीकरसुद्धा या रिक्षात लावलेले असतात. पण, आज सगळ्यांना मागे टाकत पुण्याच्या रिक्षाचालकाची एकच चर्चा सोशल मीडियावर होत आहे.
पुण्याच्या रिक्षाचालकाचा एक व्हिडीओ (Video) व्हायरल होत आहे. एक प्रवासी रिक्षात थांबवतो आणि त्यात बसतो. मग रिक्षात बसल्यावर त्याला रिक्षात चक्क फिश टँक दिसतो. ड्रायव्हरच्या सीटच्या मागे फिश टँक बसवलेला आहे आणि त्यात रंगीबेरंगी मासे पोहताना दिसत आहेत. फिश टँकवर एक स्पीकर लावण्यात आला आहे आणि पूर्ण रिक्षा डिस्को लाइट्सने सजवली आहे. एकंदरीत त्या रिक्षाचे जणू काही मत्स्यालयात रूपांतर करण्यात आले आहे, असे वाटते. नक्की बघा हा व्हायरल व्हिडीओ…
व्हिडीओ नक्की बघा…
https://www.instagram.com/p/DFK5bj2hyHj/?hl=en
रिक्षाचालक दिवस-रात्र आपल्या सेवेसाठी उपलब्ध असतात. अनेक रिक्षाचालक स्वतःसह रिक्षातील प्रवाशांचाही प्रवास आनंदी व्हावा यासाठी वेगवेगळे प्रयोग करताना दिसतात. व्हायरल व्हिडीओत तुम्ही पाहिले असेल की, तुम्ही एखादे मत्स्यालय बघायला आला आहात, असेच तुम्हाला वाटेल. कारण- चालकाने डिस्को लाइट्स, वेगवेगळ्या रंगांचे फोकस, स्पीकर व फिश टँक याद्वारे रिक्षाची सजावट केली आहे आणि बॅकग्राऊंडला एक बॉलीवूड गाणेसुद्धा लावून ठेवले आहे.
पुणे तिथे काय उणे
सोशल मीडियावर हा व्हिडीओ (Video) @thatssosakshi या इन्स्टाग्राम अकाउंटवरून शेअर करण्यात आला आहे. तसेच ‘पुणे तिथे काय उणे,’ अशी कॅप्शन व्हिडीओला देण्यात आली आहे. नेटकरी हा व्हिडीओ पाहून, या रिक्षात बसण्याचे जास्त पैसे लागणार का, या रिक्षात बसण्यासाठी मी जास्त पैसे द्यायला तयार आहे, मी प्रवास करताना अशा रिक्षा मला कधीच दिसत नाहीत आदी वेगवेगळ्या कमेंट्स नेटकऱ्यांनी केल्याचे दिसत आहेत.
गेल्या वर्षी बंगळुरूमधील एका रिक्षाचालकाने त्याच्या रिक्षाचे ‘मिनी लायब्ररी’त रूपांतर केल्याची माहिती लोकांना मिळाली होती. रविला लोकेश, मार्केटप्लेस मॅनेजर यांनी ऑटो ड्रायव्हरच्या नावीन्यपूर्ण सेटअपचा फोटो लिंक्डइन पोस्टमध्ये शेअर केला होता, जो नोव्हेंबरमध्ये प्रचंड व्हायरल झाला होता. तर, आज पुण्याच्या रिक्षाचालकाचा व्हिडीओ व्हायरल होत आहे.
