Viral Video : आषाढी एकादशीनिमित्त वारकरी थीम अनेक ठिकाणी राबवली जात आहे. अनेक शाळकरी आणि छोटे मुले वारकऱ्यांचा पोशाख घालून मिरवताना दिसत आहे. सोशल मीडियावर अशा अनेक छोट्या मुलांचे व्हिडीओ शेअर केले जात आहे. अशात एका छोट्या गोंडस वारकऱ्याचा व्हिडीओ चांगलाच व्हायरल होत आहे.
या व्हायरल व्हिडीओमध्ये एका छोट्या मुलाने वारकऱ्यांचा पांढरा पोशाख परिधान केला आहे. या छोट्या वारकऱ्याच्या कपाळी आणि दोन्ही डोळ्यांच्या बाजूला चंदणाचा टिळा लावलेला आहे. हा छोटा वारकरी खूप गोंडस दिसत आहे. या व्हिडीओत या छोट्या वारकऱ्याने खूप छान पोझ दिल्या आहेत. या वारकऱ्याचा क्युट लूक पाहून तुम्हीही भारावून जाणार.
हेही वाचा : “हे विश्वचि माझे घर!” विदेशी पाहुणे हरिनामात दंग, हातात टाळ, डोक्यावर तुळस अन् मुखात विठ्ठलाचे नाम, पाहा व्हिडीओ
themomspot या इंस्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिले आहे, “हेंचि दान देगा देवा तुझा विसर न व्हावा गुण गाईन आवडी ||
गोड तुझे रूप गोड तुझे नाम देई मज प्रेम सर्वकाळ..आषाढी एकादशी वारकरी थीम”
या व्हिडीओवर अनेक युजरनी प्रतिक्रिया दिल्या असून त्या गोंडस बाळाचे कौतुक केले आहे. एका युजरने लिहिले, ” गोंडस विठोबा पांडूरंगा”
