अनेक प्राणी आणि पक्षी असे असतात जे माणसांमध्ये राहिल्यामुळे ते अनेक माणसांसारख्या गोष्टी करायला शिकतात. जे त्यांच्या मुळ स्वभावाच्या पूर्णपणे वेगळ्या आणि विरुद्ध असतात त्यामुळे ते पाहून आपणाला त्याचं कौतुक वाटतं. शिवाय घरातील पाळीव प्राणी हे माणसांचे चांगले मित्र असतात, ते आपल्या कुटुंबातील सदस्यांसारखेच वागतात. पाळीव प्राणी आणि पक्ष्यांचे लाखो मजेदार व्हिडिओ आपण सोशल मीडियावर पाहात असतो. तर काही व्हिडीओमध्ये असेही असतात की, ज्यामध्ये पाळीव प्राण्यांमधील वेगवेगळी कौशल्य पाहून आपण थक्क होतो.
सध्या सोशल मीडियावर अशाच एका पोपटाचा तुम्हाला आश्चर्यचकित करणारा व्हिडीओ व्हायरल होत आहे. ज्यामध्ये एक पोपट त्याच्या चोचीने पियानो वाजवताना दिसत आहे. हा पांढरा पोपट पियानो वाजवण्याचा आनंद घेत तो मधुर धुनही वाजवताना दिसत आहे. व्हिडिओमध्ये पोपट आपल्या चोचीने सतत पियानो वाजवताना दिसत आहे. जो स्टेजवर परफॉर्मन्स करणाऱ्या एखाद्या कलाकारासारखं जाणवत आहे.
पोपटाचा व्हिडिओ व्हायरल –
पोपटाचा हा मजेदार व्हिडिओ @cctv_idiots नावाच्या ट्विटर अकाऊंटवरुन व्हिडीओ शेअर केला आहे. तो व्हिडीओ शेअर करताना त्याने कॅप्शनमध्ये “Encore” असं लिहिलं आहे. हा व्हिडीओ १७ फेब्रुवारीला शेअर केला असून तो आतापर्यंत दोन लाखांहून अधिक लोकांनी पाहिला आहे. हा व्हिडिओ सोशल मीडियावर मोठ्या प्रमाणात व्हायरल होत आहे.
