Viral Video:तुमच्यातील अनेकांनी शाळेत व्हॉलीबॉलचा खेळ नक्कीच पहिला असेल. कित्येकांनी तर त्यात सहभाग सुद्धा घेतला असेल. मैदानात मधोमध जाळी लावून दोन्ही संघ एकमेकांना कौशल्य दाखवण्यासाठी तयार असायचे. संघातील एखाद्याने बॉलचा झेल सोडला की, दुसऱ्या संघाला तो गुण दिला जाई. असा हा व्हॉलीबॉलचा स्पर्धा किंवा सामना मैदानात खेळला जायचा. आजही अनेक जण रविवारी किंवा सुट्टीच्या दिवशी जुहू बीचवर जाऊन वाळूत व्हॉलीबॉल खेळणं पसंत करतात. तर आज सोशल मीडियावर असाच एक व्हिडीओ व्हायरल होत आहे ; यामध्ये दोन तरुणांबरोबर एक श्वान सुद्धा व्हॉलीबॉल खेळाचा आनंद लुटताना दिसला आहे.
व्हायरल व्हिडीओ कुठला आहे याची माहिती अद्याप कळू शकलेली नाही. पण, समुद्र किनारी, वाळूत व्हॉलीबॉल खेळ सुरु आहे. मधोमध नेट लावलं आहे आणि दोन संघ व्हॉलीबॉल खेळण्यासाठी सज्ज झाले आहेत. एक संघात दोन तरुण, तर दुसऱ्या संघात एक तरुण आणि श्वान आहेत. अगदी तरुणांप्रमाणे श्वान देखील बॉल डोक्यावर सहज झेलून तर दुसऱ्या संघाकडे अगदीच कुशलतेने फेकून आपले कौशल्य दाखवताना दिसत आहे. कशाप्रकारे श्वान तरुणांबरोबर खेळत आहे एकदा तुम्हीसुद्धा व्हिडीओतून पाहा.
हेही वाचा…‘अरे मागे जा…’ मेट्रोत भांडणाऱ्या तरुणाला आजीबाईंनी घडवली चांगलीच अद्दल, पाहा ‘हा’ व्हायरल VIDEO
व्हिडीओ नक्की बघा…
व्हायरल व्हिडीओत तुम्ही पाहिलं असेल की, एक तरुण बॉल किक करून दुसऱ्या तरुणाच्या दिशेने फेकतो. तिकडे दुसरा तरुण सुद्धा हा बॉल अगदी सहज झेलून श्वानाकडे पास करतो. श्वान देखील डोक्याने बॉल किक करून चौथ्या तरुणाकडे फेकतो ; जे पाहून तुम्ही खरंच थक्क व्हाल. आपल्या संघातील खेळाडूस श्वान सहकार्य करताना दिसत आहे. तसेच श्वानाला पाहून तुम्हाला वाटेल याला कोणत्याही प्रशिक्षणाची गरज नाही आणि प्रशिक्षणाशिवाय हा स्पर्धा अगदी सहज जिंकेल यात शंकाच नाही.
सोशल मीडियावर हा व्हिडीओ @buitengebieden या एक्स (ट्विटर) अकाउंटवरून शेअर करण्यात आला आहे. तसेच व्हिडीओला ‘कौशल्य’ ; अशी कॅप्शन देण्यात आली आहे. हा व्हिडीओ पाहून नेटकरी ‘श्वानाला व्हॉलीबॉलचा उत्तम खेळाडू’ म्हणत विविध शब्दत त्याचे कौतुक करत आहेत. व्हिडीओतील श्वानाचे कौशल्य पाहून तुम्हीही आश्चर्यचकित व्हाल आणि हा व्हिडीओ पुन्हा पुन्हा बघाल. एकूणच सोशल मीडियावर या व्हिडीओने अनेकांचे लक्ष वेधून घेतले आहे असे म्हणायला हरकत नाही.
