Viral Video : सोशल मीडियावर अनेक प्रकारचे व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. कधी कोणी डान्स करताना दिसतो तर कधी कोणी गाणी म्हणताना दिसतो. काही व्हिडीओ तर प्रेरणा देणारे असतात. सध्या असाच एक व्हिडीओ व्हायरल होत आहे. या व्हिडीओमध्ये पाणीपुरी विक्रेता तरुणीचा संघर्ष दाखवला आहे. सध्या हा व्हिडीओ तुफान व्हायरल होत आहे. (a young woman selling pani puri told A reel of 15-20 seconds does not show our hard work video goes viral on social media)
पाणी पुरी विकणाऱ्या तरुणीने मांडली व्यथा
या व्हायरल व्हिडीओमध्ये पाणी पुरी विक्रेता तरुणी पाणी पुरीचा गाडा स्वच्छ करताना दिसत आहे. या व्हिडीओवर या तरुणीचा ऑडिओ सुद्धा ऐकू येत आहे. ती म्हणते,”कष्ट त्या व्यक्तीलाच माहिती असतं जो तिथे उभा राहून करतो. सोशल मीडियाची १५ -२० सेकंदांची रील तुम्हाला आमचे कष्ट दाखवत नाही ते तुम्हाला तेवढंच दाखवतं जेवढं आम्हाला तुम्हाला दाखवायचं आहे.”
हेही वाचा : व्हॉट्सअ‍ॅपवर आलेली लग्नपत्रिका डाऊनलोड करताय? मग सावधान, अन्यथा तुमचा मोबाईल हॅक झालाच म्हणून समजा
u
पाहा व्हायरल व्हिडीओ (Watch Viral Video)
mr_mrs_berojgar_panipuri या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “कष्ट” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “कष्ट केले की फळ मिळतेच” तर एका युजरने लिहिलेय, “कष्टा शिवाय पर्याय नाही, व्यवसाय हा कधी माणसाला मरू देत नाही” आणखी एका युजरने लिहिलेय, “कष्टाशिवाय काहीच नाही या जगात”
कोण आहे ही तरुणी?
या तरुणीचे नाव किरण पवार असून ती पाणीपुरीचा गाडा चालवते. संभाजीनगर येथील या पाणीपुरीच्या गाड्याचे नाव ‘मि. अँड मिस. बेरोजगार’ असून ही पाणीपुरी शहरात अतिशय लोकप्रिय आहे. इन्स्टा बायकोमध्ये ही तरुणी सांगते की संभाजीनगरची ही पहिली अशी पाणीपुरीआहे जिथे घरचा स्वाद मिळेल. ही तरुणी सोशल मीडियावर खूप सक्रिय असून अनेक व्हिडीओ शेअर करते. हजारो लोक तिला सोशल मीडियाला फॉलो करतात.
