तुमची एक चूक एखाद्याचा जीव घेऊ शकते! रस्त्यावर चालणाऱ्या नवरा बायकोचा भयकंर अपघात, VIDEO पाहून उडेल थरकाप

एक अपघात आपल्याबरोबरच दुसऱ्याचं आयुष्यदेखील संपवू शकतो, हेदेखील आजकाल अनेकांना कळत नाही. यात कोणाचं नशीब चांगलं असेल, तर तो वाचतो, नाही तर असे भयंकर अपघात अनेकांचे जीवच घेतात. सध्या सोशल मीडियावर एक असाच व्हिडीओ व्हायरल होतोय, ज्यात एका दुचाकीमुळे भयंकर अपघात झाला. नेमकं काय घडलं ते जाणून घेऊ या…

अपघाताचा व्हिडीओ

सोशल मीडियावर व्हायरल झालेला व्हिडीओ पाहून तुम्हालाही धक्का बसेल. या व्हिडीओमध्ये नवरा-बायको रस्त्यावरून आपल्या दिशेनं चालत जात असतात. तेवढ्यात मागून अचानक भरवेगात एक स्कूटर येते आणि त्या दोघांना जोरदार धडक देते. अचानक धडक दिल्यानं नवरा-बायको दोघंही रस्त्यावर जोरदार आदळतात. स्कूटरच्या धडकेनं नवरा वेगात दूरवर जाऊन आदळतो. हा भयंकर अपघात अवघ्या काहीच सेकंदांत घडतो. यादरम्यान, हा अपघात नेमका कुठे झाला आहे याची माहिती अद्याप समोर आलेली नाही.

सोशल मीडियावर व्हायरल झालेला हा व्हिडीओ @roadsafetycontent या इन्स्टाग्राम अकाउंटवरून शेअर करण्यात आला आहे आणि त्याला ‘वाहन चालवतानाची तुमची एक अनावश्यक चूक तुमचं आणि इतरांचं कुटुंब उद्ध्वस्त करू शकते’ अशी कॅप्शन देण्यात आली आहे. तसंच “रस्ते अपघात आयुष्यात प्रत्येकाला सावरण्याची दुसरी संधी देत नाही.” असंही त्या व्हिडीओमध्ये लिहिलं आहे. व्हिडीओ व्हायरल होताच त्याला २४ लाखांपेक्षा व्ह्युज आले आहेत.

युजर्सच्या प्रतिक्रिया

अपघाताचा हा व्हिडीओ सोशल मीडियावर व्हायरल होताच अनेकांनी त्यावर आपापल्या प्रतिक्रिया व्यक्त केल्या आहेत. एका युजरनं कमेंट करत लिहिलं, “अरे, यांना माणसं दिसत नाहीत का?” तर दुसऱ्यानं, “अशा लोकांमुळे दुसऱ्यांचं आयुष्य उद्ध्वस्त होतं”, अशी कमेंट केली.