Accident Video: सध्या रस्ते अपघातांचं प्रमाण खूप वाढत चाललंय. त्यामधले काही अपघात हे वाहनचालकांच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. गाडी चालवताना नेहमी नियमांचं पालन करावं, हेल्मेट घालावं, फोनचा वापर करू नये, अशा सुरक्षिततेच्या सूचना अनेकदा देऊनही लोक त्याकडे दुर्लक्ष करतात आणि आपला जीव धोक्यात घालतात.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

एक अपघात आपल्याबरोबरच दुसऱ्याचं आयुष्यदेखील संपवू शकतो, हेदेखील आजकाल अनेकांना कळत नाही. यात कोणाचं नशीब चांगलं असेल तर तो वाचतो, नाहीतर असे भयंकर अपघात अनेकांचे जीवच घेतात. सध्या सोशल मीडियावर एक असाच व्हिडीओ व्हायरल होतोय, ज्यात भयंकर अपघात होण्यापासून माणसाने स्वत:चा जीव वाचवला आहे.

हेही वाचा

धक्कादायक अपघाताचा व्हिडीओ

सोशल मीडियावर व्हायरल झालेला हा व्हिडीओ पाहून तुम्हालाही धक्का बसेल. या व्हिडीओमध्ये एक माणूस आपल्या दिशेने रस्त्यावरून चालताना दिसतोय. तेवढ्यात अचानक मागून भरधाववेगात एक बस येते. व्हिडीओमध्ये असं दिसतंय की, बसवरील नियंत्रण सुटलंय आणि त्यामुळे बस त्या माणसाला धडक देते आणि तो माणूस खाली कोसळतो. खाली कोसळताच आपला जीव वाचवण्याचा तो प्रयत्न करतो. बसच्या टायरखाली येणार इतक्यात तो तिथून थोडा बाजूला होऊन स्वत:चा जीव वाचवतो.

सोशल मीडियावर व्हायरल झालेला हा व्हिडीओ @adesh_bhujbal या इन्स्टाग्राम अकाउंटवरून शेअर करण्यात आला असून ‘सावधान रहा, सुरक्षित रहा’ अशी कॅप्शन त्याला देण्यात आली आहे. तसंच ‘जेव्हा या व्यक्तीचा काळ येतो, पण वेळ नाही’ असंदेखील या व्हिडीओमध्ये लिहिलं आहे. या व्हिडीओला तब्बल एक मिलियन व्ह्युज आले आहेत.

अरे जरा तरी लाज बाळगा! बोरीवली रेल्वे स्थानकावर रात्री ३ वाजता तरुणानं अक्षरश: हद्द पार केली; VIDEO पाहून धक्का बसेल

युजर्सच्या प्रतिक्रिया

धक्कादायक अपघाताचा हा व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “जय हनुमान, देवाने रक्षा केली त्याची”, तर दुसऱ्याने “एका सेकंदाची किंमत त्याला आता कळली असेल” अशी कमेंट केली. तर तिसऱ्याने कमेंट करत लिहिलं, “नशिबामुळे वाचला राव.”