Accident Viral Video: समाजमाध्यमांवर विविध विषयांवर आधारित व्हिडीओ सातत्याने व्हायरल होत असतात, त्यातील काही व्हिडीओ पाहून आपण खळखळून हसतो अन् आपले मनोरंजन होते; तर काही व्हिडीओ पाहून आपण घाबरतो, आपल्याला धडकी भरते. आता असाच एक व्हिडीओ समोर आला आहे.
रस्त्यांवर होणाऱ्या अपघातांचे प्रमाण दिवसेंदिवस वाढत चालले आहे. वाहनचालकाच्या हलगर्जीपणामुळे किंवा रस्त्यावरून जाणाऱ्या एखाद्या व्यक्तीमुळे अनेकदा मोठमोठे अपघात होतात. त्यातील अनेक अपघातांमध्ये चूक नसूनही अनेक निष्पाप जीवांना आपला जीव गमावावा लागतो. त्यापैकी काही अपघातांचे व्हिडीओ हे सोशल मीडियावरदेखील व्हायरल होतात. अशाच अपघाताची एक दुर्घटना समोर आली आहे. हा व्हिडीओ पाहून नक्कीच तुमच्या काळजाचा ठोका चुकेल.
या व्हायरल व्हिडीओमध्ये तुम्ही पाहू शकता की, एका रस्त्यावरून एक चार चाकी गाडी वेगाने जात आहे. यावेळी त्या गाडीसमोर अचानक एक बाईकस्वार येतो आणि दोन्ही गाड्यांची धडक होते. यावेळी बाईकवर दोन पुरुष आणि एक लहान मूलही बसले होते. गाड्यांची ही धडक होताच बाईकवर मागे बसलेला पुरुष चार चाकीवर पडतो. तर, बाईक चालवणारा पुरुष गाडीसह खाली पडतो आणि लहान मूल रस्त्यावर जोरात आदळते. परंतु, या अपघातात मुलाला कोणतीही दुखापत झालेली नाही. अपघाताचा हा धक्कादायक व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @the_king____kp या अकाउंटवरून शेअर करण्यात आला आहे. त्यावर आतापर्यंत सात दशलक्षांहून अधिक व्ह्युज आणि लाखो लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.
तसेच एका युजरनं यावर लिहिलंय, “नक्की कोणाची चूक आहे हे कळत नाही.” तर दुसऱ्या युजरनं लिहिलंय, “चार चाकीवाल्याची चूक आहे.” तिसऱ्या युजरनं लिहिलंय, “त्या लहान मुलासाठी वाईट वाटलं.”
