सध्या सोशल मीडियावर एकच नाव चर्चत आहे ते म्हणजे रिंकू सिंग. ते चर्चेत असण्याच कारण म्हणजे, कोलकाता नाईट रायडर्सने रोमांचक सामन्यात गुजरात टायटन्सचा ३ गडी राखून पराभव केला. शेवटच्या षटकात कोलकाताला विजयासाठी २९ धावांची गरज असतानाच रिंकू सिंगने शेवटच्या षटकात पाच षटकार मारत संघाला विजय मिळवून दिला.
केकेआरच्या विजयाचे सेलिब्रेशन करताना सर्व खेळाडूंनी आणि चाहत्यांनी रिंकूचे तोंडभरुन कौतुक केले. तर रिंकूने पाच षटकार मारताच संपुर्ण स्टेडियम आणि सोशल मीडिया रिंकूमय झाले होते. अनेकांनी त्याच्या या खेळीच जोरदार कौतुक केलं. तर केकेआरच्या फॅन्ससाठी तर रिंकू हिरोच ठरला. शिवाय रिंकूच्या या अप्रतिम खेळीची बॉलिवूड अभिनेते शाहरुख खानची मुलगी सुहाना खानही फॅन झाली, तिने आपल्या इंस्टाग्राम अकाऊंटवर रिंकू सिंगचा फोटो शेअर केला.
पण या सर्व प्रकरणात मात्र, केकेआरचा एक स्टाफ मेंबर चांगलाच ट्रोल झाला. कारण रिंकूची खेळी सर्वांसाठी आनंदाची बाब असताना केकेआरचा एक सदस्याच्या चेहऱ्यावर मात्र आनंदाची प्रतिक्रिया नसल्याचं नेटकऱ्यांकडून म्हटलं जात होतं. इंटरनेटवर या कर्मचाऱ्याला जोरदार ट्रोल केल्यानंतर या कर्मचाऱ्याच्या समर्थनार्थ कोलकाता नाइट रायडर्सचे माजी संघ संचालक जॉय भट्टाचार्य मैदानात उतरले आहेत. हो कारण त्यांनी या ट्रोल केल्या जाणाऱ्या व्यक्तीबाबतची माहिती दिली आहे. याबाबत त्यांनी आपल्या ट्विटमध्ये लिहिलं आहे.
“ही व्यक्ती आहे केकेआरचे विश्लेषक एआर श्रीकांत आहेत, जे १५ वर्षांपासून संघासोबत आहे. २००९ मध्ये केकेआरने सलग ७ सामने गमावले होते, त्यानंतर श्रीकांने केकेआरचा टॅटू बनवला होता. त्याच्यापेक्षा केकेआरची जास्त काळजी घेणारा दुसरा कोणी व्यक्ती मला माहिती नाही.” त्यामुळे नेटकरी ज्या व्यक्तीला ट्रोल करत आहेत तो व्यक्ती केकेआरचा शुभचिंतकच असल्याचं भट्टाचार्य यांनी सांगितलं आहे. शिवाय कोणाच्याही चेहऱ्यावरील हावभावावरुन कसलेही तर्क लावू जाऊ नयेत असंही भट्टाचार्य यांनी नेटकऱ्यांना सुनावलं.
