पावसाळ्यात वर्षाविहार करण्यासाठी धबधबे किंवा धरण अशा ठिकाणांना लोक भेट देतात. पण अशा ठिकाणी भेट देताना अनेकदा लोक आपल्या सुरक्षितेकडे दुर्लक्ष करतात आणि स्वत:चा जीव धोक्यात टाकतात. लोणावळ्यात भुशी डॅममध्ये एकाच कुटुंबातील पाच जण वाहून गेल्याची घटना ताजी असताना आणखी ताम्हिणी घाटातील प्लस व्हॅली येथे एका तरुणाने धबधब्यात उडी मारली आणि जोरदार पाण्यामध्ये तो वाहून गेला. सोशल मीडियावर या दोन्ही घटनाचं थरारक व्हिडीओ सोशल मीडियावर तुफान चर्चेत आले दरवर्षी अशा घटना घडतात तरीही लोक आपला जीव धोक्यात टाकतात. धबधब्या सारख्या ठिकाणी भेट देताना खूप सावगिरी बाळगावी लागते अन्यथा होत्याचे नव्हते होण्यासाठी फार वेळ लागत नाही. लोणावळ्यात पाण्यात भिजणाऱ्यांना कुटुंबाने कल्पनाही केले नसेल की ज्या पाण्यात खेळत आहेत ते पुढील काही वेळात त्यांचा जीव घेऊ शकतं. अचानक पाण्याचा प्रवाह वाढला आणि लोंकाच्या डोळ्यादेखतं हे लोक वाहून गेले. अजनातेपणी, वेळीच धोका न कळल्याने एखाद्यावर काय संकट येऊ शकते हेच या घटना दर्शवत आहे. दरम्यान सध्या सोशल मीडियावर आणखी एक व्हिडीडीओ चर्चेत आला आहे ज्यामध्ये एका मिनिटांमध्ये धबधब्याचे पाणी कसे वाढते हे पाहायला मिळते. इंस्टाग्रामवर being_baramatikar नावाच्या पेजवर हा व्हिडीओ पोस्ट केला आहे. हा व्हिडीओ नक्की कुठला याची माहिती दिली नाही. व्हिडीओ शेअर करताना कॅप्शनमध्ये लिहिले आहे की, "मिनिटांत धबधब्याचे पाणी कसे वाढते बघा. व्हिडिओ आपल्याकडील नसेल तरी धबधब्याची परिस्थिती सारखीच असते. सावध रहा ! अवास्तव धमक नको." हेही वाचा - ‘तो वाहून गेला अन् लोक बघत राहिले’, पुण्यातील तरुणाने धबधब्यात मारली उडी, थरारक घटनेचा Video Viral व्हिडीओमध्ये काय दिसते? व्हायरल व्हिडीओ एका धबधब्याचा आहे जथे सुरुवातीला खडकाळ भागातून पाणी वाहताना दिसते होते. पाण्याचा प्रवाग अगदी मी आहे. हे धबधब्याचे पाणी मागून एका उंच डोगलावरून कोसळत असल्याचे दिसत आहे. दरम्यान पुढच्याक्षणी मागील डोगरावरून वाहणारे पाणी वाढते आणि पुढच्या काही सेकांदामध्ये धबधब्याचे आक्राळ विक्राळ स्वरुप पाहायला मिळते. वाट मिळेल तेथून पाण्याचा जोरदार प्रवाह वाहू लागतो. व्हिडीओ पाहून नेटकऱ्यांच्या अंगावर काटा उभा राहतो धबधब्यासारख्या ठिकाणी अशा घटना घडण्याची शक्यता खूप जास्त असते त्यामुळे अशा ठिकाणी भेट देताना सतर्क राहणे, जास्त पाण्यामध्ये न जाणे सुरक्षित असते. अन्यथा कधी पाण्याचा जोर वाढेल आणि कधी पाण्याच्या प्रवाहाबरोबर आपण वाहून जाऊ हे लोकांना कळणार देखील नाही. हेही वाचा - “मोत्यापेक्षा सुंदर अक्षर!”, दुसरीत शिकणाऱ्या चिमुकलीचं हस्ताक्षर ठरतोय चर्चेचा विषय, Viral Video एकदा बघाच व्हायरल व्हिडीओवर नेटकऱ्यांनी प्रतिक्रिया व्यक्त केल्या आहेत. एकाने लिहिले की, "विज्ञान आजपर्यंत पाण्याचा वेग अडवू शकले नाही तर माणूस कोण आहे निसर्गासमोर…" दुसरा म्हणाला, "तरीही काही लोक साहसच्या नावाखाली मुर्खपणा करायला जातात आणि धोका पत्करतात" तिसरा म्हणाला, "गावातल्या लोकांना माहीत आहे परंतु शहरातल्या लोकांना याची कल्पना नाही तरी सर्वांनी काळजी घ्यावी. फोटो आणि व्हिडिओ साठी आपले जीव धोक्यात टाकू नये"
