VIDEO: प्रेम काहीही करायला लावतं! बायको छतावरून कोसळली म्हणून नवऱ्याने केलं असं काही की…, पाहा नेमकं काय घडलं

नवरा बायकोचं नातं अगदी पवित्र मानलं जातं. यात एकाला जरी खरचटलं तरी याचा त्रास दुसऱ्याला होतो. आपल्या जोडीदाराविषयीची हीच काळजी म्हणजे खरं प्रेम. पण, आपल्याच डोळ्यासमोर जर आपल्या जोडीदाराचा मोठा अपघात झाला तर नक्कीच कोणाच्याही पायाखालची जमीन सरकेल. सध्या असाच एक अपघात एका महिलेचा झाला आहे, ज्याचा व्हिडीओ सोशल मीडियावर व्हायरल होतोय. पण, हा अपघात पाहून तिचा नवरा रडत बसला नाही तर स्वत:च्या जीवाची पर्वा न करता त्याने तिला वाचवायचा प्रयत्न केला. नेमकं असं घडलं तरी काय? जाणून घेऊ या.

हेही वाचा… आयुष्यापेक्षा झोप महत्त्वाची! गाढ झोपले होते अन् घोरपड घरात घुसली, पुढे जे झालं ते पाहून काळजाचा ठोका चुकेल, पाहा VIDEO

व्हायरल व्हिडीओ

सोशल मीडियावर व्हायरल झालेला व्हिडीओ पाहून अनेकांना धक्काच बसला आहे. या व्हिडीओमध्ये एक महिला छतावरून कोसळताना दिसतेय. उंचावरून कोसळताच महिलेचं डोकं जोरात आपटतं आणि ती खाली कोसळते. क्षणाचाही विलंब न करता तिचा नवरादेखील छतावरून उडी मारतो आणि बायकोला वाचवण्यासाठी आपला जीव पणाला लावतो.

सोशल मीडियावर व्हायरल होणारा व्हिडीओ @billionairephase या इन्स्टाग्राम अकाउंटवरून शेअर करण्यात आला असून “एक स्त्री छतावरून पडली आणि तिच्या पतीने तिला मदत करण्यासाठी उडी मारण्यापूर्वी एकदाही विचार केला नाही”, असं कॅप्शन या व्हिडीओला देण्यात आलं आहे. तर या व्हिडीओला तब्बल ३.९ मिलियन व्ह्यूज मिळाले आहेत.

हेही वाचा… आधी केली किस मग मारली मिठी अन्…, इन्फ्लूएंसर करतेय चक्क झाडाला डेट! नेमकं प्रकरण काय? पाहा VIDEO

युजर्सच्या प्रतिक्रिया

व्हिडीओ व्हायरल होताच अनेकांनी यावर आपल्या प्रतिक्रिया शेअर केल्या आहेत. एका युजरने कमेंट करत लिहिलं, “तो तिच्यावर त्याच्या जीवापेक्षा जास्त प्रेम करतो”, तर दुसऱ्याने कमेंट करत लिहिलं, “देवाचे आभार मानतो की तो तिथेच ओरडत किंवा रडत बसला नाही आणि त्याने लगेच निर्णय घेतला”, तर तिसऱ्याने “तिला वेदनेने रडताना पाहून त्याला जास्तच वेदना झाल्या असाव्यात” अशी कमेंट केली. “प्रेमाची ताकद”, अशी कमेंटदेखील एका युजरने केली.