AI-powered Death Clock : कृत्रिम बुद्धिमत्तेचा वापर सध्या सर्वच क्षेत्रात मोठ्या प्रमाणावर केला जात आहे. विज्ञान-तंत्रज्ञान यासोबत आरोग्य आणि आर्थिक क्षेत्रातील भविष्यातील शक्यता जाणून घेण्यासाठी देखील कृत्रिम बुद्धिमत्ता वापरली जात आहे. यादरम्यान आता कृत्रिम बुद्धिमत्तेवर आधारित एक अॅप सध्या चर्चेचा विषय ठरत आहे. ‘डेथ क्लॉक’ नावाचे हे अॅप वापरकर्त्याच्या दैनंदिन जीवनातील सवयींच्या मदतीने त्याच्या आयुर्मानाबद्दल अंदाज व्यक्त करते. विशेष बाब म्हणजे जुलैमध्ये लाँच झालेले हे अॅप तेव्हापासून १२५,००० हून अधिक वेळा ते डाऊनलोड करण्यात आले आहे.
हे अॅप काम कसे करते?
एखाद्याच्या शिल्लक राहिलेल्या आयुष्याबद्दल अंदाज व्यक्त करणारे हे ‘डेथ क्लॉक’ (Death Clock) ब्रेंट फ्रान्सन (Brent Franson) यांनी विकसीत केले आहे. डेथ क्लॉक हे अॅप १२,०० हून अधिक आयुर्मानासंबंधी अभ्यासांचा विस्तृत डेटाबेस आणि ५३ दशलक्ष सहभागी व्यक्ती यांचा वापरातून हा अंदाज व्यक्त करते. तसेच तुमचा आहार, व्यायाम, तणावाची पातळी आणि झोपेचे पॅटर्न्स या सगळ्यांचा अंदाज घेऊन हे अॅप तुमच्या मृत्यूची तारखेसंबंधी अंदाज व्यक्त करते.
सध्या या अ‍ॅपला सध्या चांगलीच प्रसिद्धी मिळताना दिसत आहे. डेथ क्लॉक हे अॅप तुम्हाला कोणत्या सवयी सुधारण्याची आवश्यकता आहे, याबद्दल सल्ला देते. पण या अ‍ॅपचा वापर फक्त मृत्यूची तारीख जाणून घेणे किंवा तुमच्या आरोग्य सुधारणे इतका मर्यादीत नाही, याचे इतरही अनेक उपयोग समोर येत आहेत.
हेही वाचा >> Kerala Rape Case : सावत्र मुलीवर बलात्कार करणाऱ्याला १४१ वर्षांचा तुरुंगवास; जामिनावर सुटल्यावरही पीडितेवर अत्याचार
तुमच्या भविष्यातील आर्थिक नियोजनासाठी देखील तुमचे आयुर्मान किती राहिल हे माहिती असणे उपयोगी ठरते. याच्या आधारावर सरकार आणि विमा कंपन्या जीवन विमा आणि पेंशन फंड पॉलिसी कव्हरेजचे मोजमाप करतात. तसेच तुमचे आयु्र्मान किती राहील आणि तुम्ही किती वर्षे निरोगी जगू शकता हे माहिती असल्याने तुम्ही भविष्यातील गुंतवणूक आणि बचत याचा ताळमेळदेखील बसवू शकता. तसेच निवृत्त होताना तुमचे उत्पन्न किती असावे तसेच तुमच्या इतर आर्थिक नियोजनात याचा फायदा होऊ शकतो.
