आता विमान प्रवास करा फक्त १,४९९ रुपयांत! AIR India देतेय खास ऑफर, जाणून घ्या कशी करायची फ्लाइट तिकीट बुक

हा सेल २ फेब्रुवारी २०२५ (दुपारी १२:०१) ते ६ फेब्रुवारी २०२५ (रात्री ११:५९) पर्यंत खुला असेल. प्रवासाच्या तारखा १२ फेब्रुवारी २०२५ ते ३१ ऑक्टोबर २०२५ दरम्यानच्या असाव्यात. बुकिंग भारतीय आणि विदेशी दोन्ही चलनात केली जाऊ शकते.

एअर इंडियाचे चीफ कमर्शियल ऑफिसर निपुण अग्रवाल म्हणाले, “प्रवाश्यांना त्यांच्या उन्हाळ्याच्या सुट्टीतील प्रवासाचे नियोजन करण्याची ही एक उत्तम संधी आहे. या विशेष ऑफरमुळे प्रवाशांना एअर इंडियाच्या सर्वोत्तम सेवांचा अनुभव घेता येईल.”

सर्व क्लासमध्ये सर्वोत्तम ऑफर

या सेलमध्ये बिझनेस क्लास आणि प्रीमियम इकॉनॉमी क्लासमध्येही विशेष सवलत दिली जात आहे, जेणेकरून अधिकाधिक लोकांना लक्झरी प्रवासाचा आनंद घेता येईल.

फ्लाइट तिकिटाच्या सुरुवातीच्या किंमती

देशांतर्गत उड्डाणे (एकमार्गी तिकिटे)

इकॉनॉमी क्लास : ₹१,४९९ पासून सुरू

प्रीमियम इकॉनॉमी : ₹३,७४९ पासून सुरू

बिझनेस क्लास : ₹९,९९९ पासून सुरू

आंतरराष्ट्रीय उड्डाणे (रिटर्न तिकिटे)

इकॉनॉमी क्लास : ₹१२,५७७ पासून सुरू

प्रीमियम इकॉनॉमी : ₹१६,२१३ पासून सुरू

बिझनेस क्लास : ₹२०,८७० पासून सुरू

वेबसाइट आणि मोबाइल ॲपवर विशेष ऑफर

२ फेब्रुवारी २०२५ रोजी पहिल्या दिवसाचा सेल फक्त एअर इंडियाच्या वेबसाइट आणि मोबाइल ॲपवर उपलब्ध असेल. यानंतर एअर इंडियाची वेबसाइट, मोबाइल ॲप, विमानतळ तिकीट काउंटर, कस्टमर केअर आणि ट्रॅव्हल एजंटच्या माध्यमातूनही बुकिंग करता येईल.

वेबसाइट आणि मोबाइल ॲपद्वारे बुकिंगचे अतिरिक्त फायदे

• पूर्णपणे मोफत सुविधा शुल्क

• २ ते ६ फेब्रुवारी २०२५ पर्यंत बुकिंगसाठी कोणतेही अतिरिक्त शुल्क आकारले जाणार नाही.

• तुमची आंतरराष्ट्रीय बुकिंगवर ₹९९९ पर्यंत आणि देशांतर्गत बुकिंगवर ₹३९९ पर्यंत बचत होईल.

बँक ऑफर : ॲक्सिस बँक, ICICI बँक, फेडरल बँक क्रेडिट कार्डच्या कार्डधारकांना ३००० रुपयांपर्यंत कॅशबॅक मिळेल.

“FLYAI” प्रोमो कोड वापरून प्रवासी रु. १००० पर्यंत अतिरिक्त सवलत मिळवू शकतात.