पाहा चीनमधल्या सर्वात मोठ्या कंपनीचा संस्थापक वर्धापन दिनाच्या सोहळ्यात काय करतो!

‘अलीबाबा’ ही चीनमधली सगळ्यात अग्रगण्य ई-कॉमर्स साईट आहे. या कंपनीचे संस्थापक जॅक मा हे जगातील अब्जाधीशांपैकी एक. गेल्याच आठवड्यात अलीबाबाचा १८ वा वर्धापन दिन सोहळा पार पडला. वर्धापनाचा सोहळा खूप मोठा आणि नेत्रदीपक होता. कर्मचाऱ्यांसाठी खास कार्यक्रमही ठेवण्यात आले होते. संस्थापक जॅक मा हे या सोहळ्याचे उत्सवमूर्ती होते. कर्मचाऱ्यांसाठी ठेवण्यात आलेल्या पार्टीमध्ये ते व्हीव्हीआयपी रांगेत बसतील, कार्यक्रमाच्या शेवटी उठून दाद मिळवणारं एकदम हटके भाषण करतील असंच सगळ्यांना वाटलं. पण ‘जे इतर करतात तेच आपण का करावं? काहीतरी वेगळं करण्याचं तर जगात नाव होतं’ असा फंडा मानणाऱ्या जॅक यांनी पॉपस्टार मायलक जॅक्सनच्या गाण्यावर डान्स करून सोहळ्याचा नूरच पालटला.