…म्हणून आज अंबानी दान करणार ३०० किलो सोनं! मुंबईत विशेष कार्यक्रमाचंही करण्यात आलं आयोजन

इशा अंबानी आणि आनंद परिमल हे मुलांच्या जन्मानंतर पहिल्यांदाच भारतात येत आहेत. त्यांच्या स्वागताची मागील काही दिवसांपासून दोन्ही घरांमध्ये लगबग सुरु होती. मुकेश अंबानी आणि निता अंबानींनी या चौघांच्या स्वागतासाठी भव्यदिव्य कार्यक्रमांबरोबरच जय्यत तयारी केली असल्याची माहिती समोर येत आहे.

आणखी वाचा

मालमत्ता कर थकवणाऱ्या अंधेरीतील विकासकाच्या तीन गाड्यांचा लिलाव

Bigg Boss Marathi 5: सर्व एलिमिनेटेड सदस्यांची घरात…

नाशिक : अपंगांच्या विविध मागण्यांसाठी प्रहारचे आंदोलन

राज्यातील अंगणवाडी सेविका १ ऑक्टोबरला करणार चक्का जाम

देशी कारागिरांना भरभरून प्रतिसाद, तब्बल दहा लाखाची विक्री

नाशिक : विहिरीत तीन विद्यार्थ्यांना फेकून मारण्याचा प्रयत्न – संशयित ताब्यात

नागपूर: तरुणीने अनेकांच्या नावावर घेतले कोट्यवधीचे कर्ज

मुंबई : भेसळयुक्त खाद्यतेल, मिरची पावडर, दुधाची विक्री करणाऱ्यांवर कारवाई; सणासुदीनिमित्त अन्न व औषध प्रशासनाची मोहीम

इशा आणि त्यांच्या जुळ्या मुलांना भारतात परतण्यासाठी कतारमधून विशेष विमानाची सोय करण्यात आल्याचंही वृत्त आहे. हे विमान स्वत: कतारच्या राजाने पाठवलं असून कतारचा राजा आणि अंबानी यांची घरोब्याचे संबंध आहेत. इशा यांच्याबरोबर या विमानामध्ये प्रशिक्षित डॉक्टर्सचीही ही एक टीम होती. हे चौघेही लॉस एंजलिसवरुन कतारमार्गे भारतात परतले आहेत.

समोर आलेल्या माहितीनुसार, लहान मुलांच्या आरोग्यासंदर्भातील तज्ज्ञ असलेल्या अमेरिकेतील सर्वोत्तम डॉक्टर्सपैकी एक असलेले डॉक्टर गिबसनही या विमानामध्ये होते. अंबानींच्या या जुळ्या नातवंडांना अमेरिकेमधून विशेष प्रशिक्षण घेऊन आलेल्या नर्सेस संभाळणार आहेत.

देशभरातील मोठ्या मंदिरांमधील मान्यवर पुजाऱ्यांना आज इशा आणि आनंद परिमल यांच्या वरळीमधील घरी या जुळ्या मुलांचं स्वागत करण्यासाठी बोलवण्यात आलं आहे. ‘करुणा सिंधू’ या निवासस्थानी धार्मिक सोहळा पार पडणार आहे. अंबानी या निमित्ताने ३०० किलो सोनं दान करणार आहेत. या कार्यक्रमामधील खाद्य पदार्थही फार खास असणार आहेत. जगभरातील वेगवेगळ्या देशांमधून विशेष स्वयंपाक्यांना बोलवण्यात आलं असून विशेष प्रसाद तयार केला जाणार आहे. यासाठी तिरुपती बालाजी मंदिर, नथद्वारामधील श्रीनाथजी, द्वारकाधीश मंदिरातील प्रसादाप्रमाणे प्रसाद बनवला जाणार आहे.