Amchya Papani Ganpati Anala:आमच्या पप्पांनी गणपती आणला हे गाणं सध्या सर्वत्र व्हायरल झालं आहे. चिमुकल्या साईराजने हे गाणं गाऊन साऱ्यांनाच भूरळ पाडली. सोशल मीडियावर साईराजचं गाणं व्हायरल झाल्यावर सर्वांनीच त्यावर रील व्हिडीओ बनवले आहेत. हा व्हायरल व्हिडिओ आहे साईराज केंद्रे या चार वर्षाच्या चिमुकल्याचा. परळीतल्या या मुलाचा निरागस पणा सगळ्यांना वेड लावतोय. मात्र दरम्यान अशाच आणखी एका चिमुकल्याचा व्हिडीओ सध्या व्हायरल होत आहे.
चिमुकल्यांपासून ते मोठ्यांपर्यंत बाप्पासाठी वेड आहेत. अशातच सोशल मीडियावरील इन्स्टाग्रामवर ही चिमुकली कुटुंबासोबत लाडक्या बाप्पाला घ्यायला पोहोचली. तिच्या निरागसपणा आणि बोबडे बोलीतील प्रश्न ऐकून आपण भारावून जातो. गणपती बाप्पा मोरया म्हणत तुडूतुडू ती नाचत आहे. तिचे वडील विचारतात की, तुला आवडतात ना मोदक, मग खाणार मोदक…त्यावर हो गोंडस मुलगी इतक्या छान प्रकारे हावभाव करत सांगते की आपण तिच्या प्रेमातच पडतो. त्यावर ही चिमुकली हातवारे करत विचारते बाप्पा मोदक कसा खातो असा खातो का?
पाहा व्हिडीओ
हेही वाचा >> VIDEO: बापरे! २ कोटींच्या नोटा आणि ५० लाखांची नाणी, बाप्पासाठी बंगळुरुत केली अनोखी सजावट
लहान बाळांच्या गोड आणि खट्याळ बोलण्याने तसेच त्यांच्या निरागसतेचे नेटकरीसुद्धा वेडे होतात. कदाचित याच कारणामुळे छोट्या बाळांचे मजेदार व्हिडीओ अपलोड केले जातात. सोशल मीडियावर लहान मुलांचे व्हिडीओ मोठ्या प्रमाणात पाहिले जातात. हे व्हिडीओ पाहून दिवसभराचा थकवा नाहीसा होतो आणि आपल्या चेहऱ्यावर स्मित हास्य येतं. एका चिमुकल्याने सध्या नेटकऱ्यांचं लक्ष वेधून घेतलं आहे.
