Viral Video: ट्रम्प यांच्या कार्याचा मुलांनी घेतलेला आढावा व्हायरल

अमेरिकेचे राष्ट्राध्यक्ष असलेल्या डोनाल्ड ट्रम्प यांचा नुकताच एक वर्षांचा कार्यकाळ पूर्ण झाला आहे. एककीकडे ट्रम्प यांच्या राजवटीला एक वर्ष पूर्ण झालं आहे तर दुसरीकडे खर्च विधेयकामुळे ‘अमेरिका शटडाऊन’ची नामुष्की सरकारवर ओढावली आहे. गेल्या वर्षभराच्या काळात ट्रम्प यांच्या अनेक धोरणावर कडाडून टिका झाली, तरुणांपासून ते ज्येष्ठांपर्यंत अनेकांना काही संवेदनशील प्रश्नांवर त्यांचा दृष्टीकोन अजिबात रुचला नाही. त्यामुळे, वर्षभराच्या काळात सोशल मीडियावर ट्रम्प देशवासीयांच्या टीकेचे धनी ठरले. ही झाली देशातल्या अनुभवी लोकांची भावना पण, या देशाचं भविष्य असणाऱ्या छोट्या मुलांच्या मनातदेखील त्यांच्याबद्दल अशीच भावना आली तर?

VIDEO: ख्रिस्तियानो रोनाल्डोच्या ‘सेल्फी गेम’वर सोशल मीडियावरुन टीका

या देशाच्या राजधानीत महिनाभरात फक्त सहा मिनिटंच सूर्य दिसला

अमेरिकेचा प्रसिद्ध होस्ट जिम्मी किमेल यांनी नुकताच एक व्हिडिओ सोशल मीडियावर का शेअर केला, यात एका महिला रिपोर्टरनं अमेरिकेतल्या लहान मुलांना डोनाल्ड ट्रम्पबद्दल तुम्हाला काय वाटतं? हा प्रश्न विचारला. यावर या छोट्या मुलांनी जी उत्तरं दिली हे ऐकण्यासारखीच होती. यातल्या बहुदा सर्वांनांच डोनाल्ड ट्रम्प आवडत नसल्याचं त्यांनी कॅमेरासमोर कबुल केलं, इतकंच नाही तर कॅमेरासमोर त्यांनी डोनाल्ड ट्रम्प यांची नक्कलही करून दाखवली. हा व्हिडिओ सध्या सोशल मीडियावर व्हायरल होत आहे.