अंकिता देशकर
Amir Khan Lala Amarnath Movie First Photo: थ्री इडियट्स सारख्या रेकॉर्ड ब्रेकिंग चित्रपटांचे निर्माते राजकुमार हिरानी हे भारतीय क्रिकेटचे दिग्गज ‘लाला अमरनाथ’ यांच्यावर बायोपिक बनवण्याचा विचार करत आहेत अशा चर्चा मागील काही दिवसांपासून जोर धरत आहेत. विशेष म्हणजे या चित्रपटात लाला अमरनाथ यांचे पात्र साकारण्याची संधी आमिर खानला देण्यात आली आहे असेही सांगण्यात येत आहे.अलीकडेच सोशल मीडियावर अमीर खानचा याच चित्रपटाच्या शूटिंग दरम्यानचा लुक दाखवत असल्याचा दावा करत एक फोटो मोठ्या प्रमाणावर शेअर होत आहे.
काय होत आहे व्हायरल?
ट्विटर यूजर syedzada यांनी व्हायरल फोटो त्यांच्या प्रोफाईलवर शेअर केला आणि असा दावा केला की राजकुमार हिरानी यांची आगामी बायोपिक ‘लाला अमरनाथ’ मधील आमिर खानचा हा लूक आहे.
इतर सोशल मीडिया वापरकर्ते देखील हाच दावा करत फोटो पोस्ट करत आहेत.
तपास:
फोटोचे बारकाईने निरीक्षण करून आम्ही आमचा तपास सुरू केला. लाला अमरनाथ हे क्रिकेटपटू होते पण व्हायरल झालेल्या फोटोमध्ये आमिर खानचा लुक क्रिकेटपटू नाही तर आर्मीच्या अधिकाऱ्यासारखा दिसत आहे. आम्हाला या चित्रात एक वॉटरमार्क देखील दिसला, या चित्राच्या खाली, Amir Khan as Leslie Groves असे लिहले होते तर चित्राचे श्रेय @wild.trance यांना दिले होते.
आम्ही त्यानंतर wild.trance यांच्या सोशल मीडिया प्लॅटफॉर्म्स चा तपास सुरु केला.
आम्हाला @wild.trance यांचे इंस्टाग्राम प्रोफाइल सापडले. पेज च्या बायो मध्ये लिहले होते: Beauty of Ai Art
आम्हाला २२ जुलै रोजी केलेल्या पोस्टमध्ये आमिर खानचे हा फोटो सापडला.
तसेच या पेजवर इतर बॉलीवूड कलाकारांचेही AI निर्मित केलेले फोटो होते. हे AI वापरून बनवले आहे का हे तपासण्यासाठी आम्ही नंतर हायव्ह मॉडरेशनमध्ये इमेज अपलोड केली. तसेच हा फोटो आम्ही AI तपासणाऱ्या वेबसाईटवर पडताळला असता वेबसाइटने म्हटले आहे की इनपुट 99.9% एआय द्वारे निर्मित असल्याची शक्यता आहे.
हे ही वाचा<< वंदे भारत एक्सप्रेसचा नवा लुक पाहिलात का? ट्रेन तर तीच आहे पण जरा बारीक नजरेने बघा काहीतरी वेगळं दिसेल
निष्कर्ष: आमिर खानचा व्हायरल होत असलेला फोटो लाला अमरनाथ या त्याच्या आगामी बायोपिकमधील असल्याचे सांगून शेअर होत आहे पण मुळात हा फोटो AI निर्मित आहे.
