भारतामध्ये आजपर्यंत अनेक अविष्कार निर्माण झाले आहेत आणि हे सर्वज्ञात आहे. शास्त्रज्ञच नव्हे तर सामान्य माणूसही काहींना काही अविष्कार तयार करत असतो. आज पर्यंत सामान्य माणूस काही ना काही जुगाड करुनच आपल्या गरजा पूर्ण करत आला आहे. असाच एक देशी जुगाड सध्या चर्चेत आला आहे. उन्हाळ्यातील वाढत्या तापमानाला वैतागलेल्या एका व्यक्तीने भर उन्हात चक्क थंडगार हवेची सोय केली आहे. या व्यक्तीचा देशी जुगाड पाहून सुपरस्टार अमिताभ बच्चन देखील थक्क झाले आहेत.
देशी जुगाड पाहून अमिताभ बच्चन झाले थक्क
गेल्या अनेक वर्षांपासून सुपरस्टार अमिताभ बच्चन यांच्या अनेक उत्तमोत्तम चित्रपटांनी आपल्याला भुरळ घातली आहे आणि 40 वर्षांहून अधिक काळ सिनेविश्वात राहून त्यांनी प्रेक्षकांचे मनोरंजन केले आहे. अनेकदा व्हि-लॉग्सच्या माध्यमातून त्याच्या चाहत्यांशी संवाद साधत असतात आणि सोशल मीडिया प्लॅटफॉर्मवर अॅक्टिव्ह असतात.
व्हिडिओ पाहून बिग बी म्हणाले, ‘भारत आविष्काराची जननी!’
सोशल मिडियावर एक व्हिडिओ सध्या चर्चेत आहे ज्याची दखल चक्क बिग बी यांनी घेतली आहे. या व्हिडिओमध्ये एक वृद्ध व्यक्ती आपल्या डोक्यावर समोर पंखा आणि मागे सौर पॅनेलसह हेल्मेट घालून फिरतो आहे. उन्हाच्या झळांपासून वाचण्यासाठी या व्यक्तीने तयार केलेला हा देशी जुगाड पाहून अमिताभ बच्चन देखील या व्यक्तीचे कौतूक करण्यापासून स्वत:ला रोखू शकले नाहीत. 3 एप्रिलला बिग बींनी एक व्हिडिओ शेअर केला आणि कॅप्शनमध्ये म्हटले की, ”भारत आविष्काराची जननी! भारत माता की जय!” आहे.
हेही वाचा : ट्रेनमधून सामान चोरीला गेले तर काय करावे? रेल्वे देते नुकसान भरपाई, करा हे काम
डोक्यावर सोलर प्लँट आणि पंखा लावा, भर उन्हात घ्या थंड हवेचा आनंद
भर उन्हात थंड हवा मिळविण्यासाठी या अवलियाने हा देशी जुगाड केला आहे. डोक्यावर सोलर पॅनल आणि पंखा लावून या वृद्ध व्यक्तीने सोलर फॅन तयार केला आहे जो तो स्वत:सोबत घेऊन फिरतो आहे. हा व्हिडिओ उत्तर प्रदेशमधील लखीमपुर जिल्ह्यातील आहे.
व्हिडिओवर नेटकऱ्यांनी प्रतिक्रिया दिल्या आहेत. एक यूजर्सने कमेंट केली आहे की, ‘उन्हात थंड हवा कशी येऊ शकते” तर आणखी एका युजरने कमेंट केली की, ”याला म्हणतात जुगाड अमिताभ जी!”
