सौजन्य: factcrescendo
Loksabha Elections Amravati Opinion Poll: लोकसभा निवडणुकीच्या पार्श्वभूमीवर एबीपी माझा या न्यूज चॅनलचे लोगो असलेले ओपिनियन पोल सध्या सोशल मीडियावर व्हायरल होत आहे. ज्यानुसार अमरावतीमध्ये काँग्रेसला सर्वात जास्त ४४ टक्के मते प्राप्त झाल्याचे सांगण्यात आले आहेत. पोस्ट शेअर करताना युजर्स दावा करत आहेत की, व्हायरल ओपिनियन पोल एबीपी माझाने जाहीर केला आहे. मात्र पडताळणी नंतर याबाबत वेगळी माहिती समोर येत आहे.
काय आहे दावा ?
एबीपी माझाचा लोगो असणाऱ्या व्हायरल ग्राफिकमध्ये अमरावतीतील पक्षांनुसार मतदानचा अंदाज लावण्यात आला आहे. त्यामध्ये काँग्रेस ४४.३६, भाजप ३६. ११, प्रहार १३.१८ आणि अपक्ष व इतर ०६. ३५ टक्के मतदान दाखवण्यात आले आहे.
तपास:
शक्ती कलेक्टिव्ह अंतर्गत Fact Crescendo ने केलेल्या तपासानुसार, सर्व प्रथम एबीपी माझाच्या वेबसाईटवर आणि त्यांच्या सोशल मीडिया अकाउंटवर हे ग्राफिक आढळले नाही.या उलट एबीपी माझाच्या फेसबुक आकाउंवर हे ग्राफिक कार्ड खोटे असल्याचे सांगण्यात आले आहे. पोस्ट शेअर करताना कॅप्शनमध्ये लिहिले होते की, “एबीपी माझाच्या नावे विविध लोकसभा मतदारसंघाच्या ओपिनियन पोलच्या खोट्या इमेज/स्क्रीनशॉट व्हायरल केले जात आहेत. या त्याचा एबीपी माझाशी काहीही संबंध नाही. या प्रकाराबाबत एबीपी माझा कायदेशीर कारवाई करणार आहे.”
निष्कर्ष: यावरून सिद्ध होते की, व्हायरल ग्राफिक बनावट आहे. एबीपी माझाने स्पष्ट केले की, व्हायरल ओपिनियन पोल बनावट असून त्यांच्याद्वारे शेअर करण्यात आले नाही.
हे ही वाचा<< उद्धव ठाकरेंना काँग्रेसचे कार्यकर्ते बोलूच देईना? भरसभेत मंचावरील Video पाहून समर्थकांचा संताप, नेमकं काय घडलं?
अनुवाद: अंकिता देशकर
