“BMC चे टॉयलेट्स..”, अमृता फडणवीसांना राम मंदिरात पायऱ्या पुसताना पाहून ट्रोलिंग सुरु! लोक म्हणतात, “चांगले कपडे..”

अमृता फडणवीस यांनी त्यांची लेक दिविजा फडणवीस हिच्यासह अलीकडेच मुंबईतील प्राचीन राम मंदिराला भेट दिली. या भेटीच्या वेळी लेकीसह हातात झाडू व मॉब घेऊन उपमुख्यमंत्र्यांच्या पत्नीने स्वच्छता मोहीम आरंभली होती. तसेच मंदिरातील खांबांना रंगकाम करताना सुद्धा अमृता फडणवीस व दिविजा दिसत आहेत.

हा व्हिडीओ शेअर करताना अमृता यांनी कॅप्शनमध्ये लिहिले होते की, “पंतप्रधान मोदी यांनी भारतवासीयांना मंदिराच्या स्वच्छतेसाठी पुढे येण्याचे आवाहन केले आहे. आपल्या परिसरातील मंदिरांना स्वच्छ ठेवण्याच्या त्यांच्या आवाहनानुसार आज मुंबईतील प्राचीन राम मंदिराला आम्ही भेट दिली. स्वच्छता ही देवापर्यंत पोहोचण्याचा मार्ग आहे असे म्हटले जाते त्याचा इथे अनुभव आला. आज मनःशांती व देवळातील पावित्र्य जवळून अनुभवता आले. आम्ही खरंच धन्य झालो.”मकरसंक्रांतीच्या निमित्त अमृता फडणवीस यांनी या मंदिरात भेट दिली होती.

हे ही वाचा << भारतात ‘या’ ठिकाणी आहे जगातील सर्वात उंचावरील रेल्वेचा पूल; रेल्वे मंत्रालयाचा Video पाहून म्हणाल, हा चमत्कारच!

दरम्यान, या व्हिडिओवरून अनेकांनी अमृता फडणवीस यांना ट्रोल सुद्धा केले आहे. काहींनी कमेंट करत तुम्ही एवढे चांगले कपडे घालून स्वच्छता करायला गेला होतात की फोटोशूट असा खोचक प्रश्न केला आहे. तर काहींनी स्वच्छ जागेवर स्वच्छता करण्यापेक्षा शहरातील महापालिकेचे टॉयलेट्स स्वच्छ करण्यासाठी काहीतरी असा सल्ला दिला आहे. गड- किल्ले, मुंबईतील झोपडपट्ट्या यांच्या स्वच्छतेकडे पण लक्ष द्या. हे सगळं नाटक आहे स्वतः घरामध्ये एक ग्लास तरी उचलत असाल का अशाही अनेक कमेंट्स या पोस्टखाली पाहायला मिळतात. तर काहींनी यावर प्रत्युत्तर देताना नाटक असेल असं जरी म्हटलं तरी काम तर पूर्ण होतंय ना असा पलटवार केला आहे. तुमचं या व्हिडिओबाबत काय मत आहे हे कमेंट करून नक्की कळवा.