Viral Video : सोशल मीडियावर प्राण्यांचे अनेक व्हिडीओ व्हायरल होत असतात. कधी रस्त्यावर चित्ता दिसतो तर कधी वाघ. सोशल मीडियावर तुम्ही अनेक व्हिडीओ पाहिले असेल ज्यामध्ये अनेकदा प्राणी घाबरून सैरावैरा पळताना तर कधी ओरडताना पाहिले असेल. सध्या असाच एक व्हिडीओ व्हायरल होत आहे. या व्हिडाओमध्ये एक हत्ती भर रस्त्यावर पळताना दिसत आहे. हा हत्ती सर्कसमधून पळाला अशी माहिती समोर आली आहे.
हा व्हायरल व्हिडीओ भारतातील कोणत्याही शहरातील नसून अमेरिकेतील मोंटाना शहरातील आहे. मंगळवारी दुपारी मोंटाना शहरात अचानक रस्त्यावर हत्ती सैरावैरा पळताना दिसला आणि हे पाहून नागरीकांची एकच तारांबळ उडाली. अनेक जण असे रस्त्यावर हत्तीला पाहून अवाक् झाले. काही लोकांनी ही घटना त्यांच्या कॅमेऱ्यामध्ये कैद झाली. या घटनेचे व्हिडीओ सोशल मीडियावर चांगलेच व्हायरल होत आहे.
पाहा व्हायरल व्हिडीओ
व्हिडीओमध्ये तुम्हाला दिसेल की हत्ती रस्ता ओलांडताना दिसत आहे. विशेष म्हणजे या हत्तीने कोणत्याही प्रकारची नासधूस केलेली नाही. हत्ती वाहनाच्या मधोमध नीट जाताना दिसतोय. व्हिडीओमध्ये तुम्हाला दिसेल की या हत्तीमागे एक व्यक्ती हातात काठी घेऊन धावत आहे. कदाचित ती सर्कसमधील व्यक्ती असावी जी हत्तीला थांबविण्याचा प्रयत्न करताना दिसत आहे. व्हिडीओ पाहून तुम्हीही थक्क व्हाल. सध्या या व्हिडीओची चांगलीच चर्चा सुरू आहे. अनेक जण हा व्हिडीओ शेअर करत आहे. यापूर्वी सुद्धा रस्त्यावर पळत सुटलेल्या हत्तीचे असे अनेक व्हिडीओ व्हायरल झाले आहे.
Crime With Bobby या एक्स अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “मोंटानामध्ये मोकाट सुटलेला हत्ती” या व्हिडीओवर अनेक युजर्सनी प्रतिक्रिया दिल्या आहेत.
