Viral Video : प्राणी मात्रांवर दया करावी, असे आपल्याला लहानपणापासून शिकवले जाते. कारण प्राणी मात्रांवर दया दाखवणे, हीच खरी ईश्वरसेवा आहे. तु्म्ही आजवर कुत्रा, मांजर, माकड, चिमणी, कावळा, पोपट इत्यादी प्राणी पक्षांना आवडीने खाऊ घालणाऱ्यांचे व्हिडीओ अनेकदा पाहिले असेल पण तुम्ही कधी मुंग्याना अन्न खाऊ घालताना कोणाला पाहिले आहे का? होय. सध्या असा एक व्हिडीओ व्हायरल होत आहे की हा व्हिडीओ पाहून तुम्हीही थक्क व्हाल. या व्हायरल व्हिडीओमध्ये एक आजीबाई चक्क मुंग्यांना साखर खाऊ घालताना दिसत आहे. आजीचे मुंग्यांवरील प्रेम पाहून तुम्हीही थक्क व्हाल. (an old lady feeding sugar to ants show mercy and kindness to animals and birds video goes viral)
या व्हायरल व्हिडीओमध्ये तुम्हाला दिसेल की आजी तुळशीला पाणी घालत आहे. त्यानंतर ती तुळशीजवळची साखरेनी भरलेली वाटी उचलते आणि त्यातील साखर अंगणातील मुंग्याना खाऊ घालते. मुंग्यांवरील तिची दया पाहून कोणीही थक्क होईल. सध्या हा व्हिडीओ चांगलाच व्हायरल होत आहे. या व्हिडीओवर लिहिले, “मुंगीमध्ये सुद्धा भगवंताचे स्वरुप पाहणारी माणसे”
या पृथ्वीतलावावर इवल्याशा मुंग्यांपासून हत्ती सारख्या बलाढ्य प्राण्यापर्यंत प्रत्येक जीव महत्त्वाचा आहे आणि प्रत्येक जीवाविषयी दया प्रेम असणे तितकेच महत्त्वाचे आहे. थोर लोक सांगून गेले की प्राणी मात्रांवर दया करावी तरीसुद्धा काही लोक प्राण्यांना अमानुषपणे छळताना दिसतात पण काही लोक प्राणी मात्रांवर जीवापाड प्रेम दाखवत त्यांची काळजी घेताना दिसतात. हा व्हिडीओ पाहून तुम्हाला याची जाणीव होईल.
पाहा व्हायरल व्हिडीओ
krishnawagh961 या इन्स्टाग्राम अकाउंटवरुन हा व्हिडीओ शेअर केला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “या नंतर हे सगळं कधीच पाहायला भेटणार नाही कारण आपली संस्कृती मिटत चालली आहे” तर एका युजरने लिहिलेय, “ही शेवटची पिढी आहे जिने प्राणीमात्रांवर पण दया केली.” आणखी एका युजरने लिहिलेय, “खूप गोड आजीबाई” अनेक युजर्सनी या व्हिडीओवर हार्टचे इमोजी शेअर केले आहेत.
