Elon Musk Wearing Sherwani In Ambani Pre Wedding: रिलायन्स चेअरमन मुकेश अंबानी यांचा धाकटा मुलगा अनंत अंबानी आणि राधिका मर्चंट यांच्या लग्नाआधीच्या सेलिब्रेशनने सोशल मीडिया प्लॅटफॉर्म गजबजले आहेत. जामनगरमधील कार्यक्रमाला रिहानापासून ते बिल गेट्स, मार्क झुकरबर्गपर्यंत अनेक प्रमुख पाहुणे उपस्थित होते. या भव्य दिव्य सोहळ्यातील काही फोटो शेअर केले जात आहेत ज्यांनी आमचे लक्ष वेधून घेतले. एक्स, स्पेसएक्स आणि टेस्ला मोटर्सचे सीईओ इलॉन मस्क यांच्या शेरवानी परिधान केलेले फोटो अंबानीच्या पार्टीत असल्याचे सांगत शेअर केले जात आहे.
काय होत आहे व्हायरल?
X युजर @AliSuMiOfficial ने चित्र आपल्या प्रोफाइल वर शेअर केले.
इतर वापरकर्ते देखील त्याच दाव्यासह फोटो शेअर करत आहेत.
तपास:
अनेक मीडिया रिपोर्ट्सद्वारे आम्हाला कळले की एलॉन मस्क गुजरातमधील जामनगर येथे अनंत अंबानी आणि राधिका मर्चंटच्या प्री-वेडिंग पार्टीत सहभागी झाले नव्हते.
प्रसारित होत असलेल्या फोटोंचे आम्ही निरीक्षण केले. या प्रतिमा अतिशय स्मूथ दिसत होत्या आणि बॅकग्राउंड देखील अस्पष्ट होते, हे सूचित करते की फोटो AI निर्मित आहेत. आम्हाला रिव्हर्स इमेज सर्च द्वारे आढळले की पहिले चित्र X वापरकर्त्याने DogeDesigner द्वारे त्याच्या प्रोफाइलवर शेअर केले होते आणि X वापरकर्त्याने @PrinceAnand007 याने या पोस्टला उत्तर म्हणून दुसरा फोटो पोडत केला होता.
AI इमेज डिटेक्टर Hive Moderation ने सुद्धा सदर फोटो हे एआयनिर्मित असल्याची पुष्टी केली आहे.
हे ही वाचा<< Video: रस्त्यावर नमाज पढणाऱ्यांना लाथ मारून हाकललं; पोलीस अधिकारी निलंबित, नागरिकांचं म्हणणं काय?
निष्कर्ष: X चे CEO इलॉन मस्क यांनी अंबानींच्या प्री-वेडिंग पार्टीला हजेरी लावल्याचा व्हायरल दावा खोटा आहे. इलॉन मस्कच्या AI निर्मित प्रतिमा खोट्या दाव्यांसह सोशल मीडिया प्लॅटफॉर्मवर शेअर केल्या जात आहेत.
