ट्रॅक्टर चालकाचा अनोखा जुगाड पाहून आनंद महिंद्रांना पडला प्रश्न, व्हायरल VIDEO पाहून तुम्हीही व्हाल थक्क

आनंद महिंद्रा म्हणाले, “मनोरंजक, पण का?”

आनंद महिंद्रा यांनी सोशल मीडियावर शेअर केलेल्या व्हिडिओमध्ये, एक लाल रंगाचा ट्रॅक्टर दिसत आहे. परंतु ज्यावेळी या ट्रॅक्टरचा ड्रायव्हर तुम्हाला दिसेल तेव्हा तुम्ही आश्चर्यचकित व्हाल, कारण या ड्रायव्हरने ट्रॅक्टरच्या मूळ सीटपासून जवळपास ६ ते ७ फूट उंचावर नवीन सीट तयार करुन तिथेच स्टेअरिंग लावल्याचं दिसत आहे. शिवाय तो या उंच सीटवर बसून ट्रॅक्टर चालवत आहे. शिवाय व्हिडिओमध्ये दिसत आहे की, ड्रायव्हरला हा अनोखी ट्रॅक्टर चालवताना कोणतीही अडचण येत नाहीये. या जुगाडाचा व्हिडिओ शेअर करताना आनंद महिंद्रा यांनी कॅप्शनमध्ये लिहिलं, “इंटरेस्टिंग! पण माझा एकच प्रश्न आहे, का?” व्हिडीओ पोस्ट केल्यापासून तो आतापर्यंत ५ लाख ९५ हजारांहून अधिक लोकांनी पाहिला आहे. तर हजारो लोकांनी तो लाईक केला आहे.

हेही पाहा- VIDEO: वयाने मोठ्या फॅनच्या पाया पडला महेंद्रसिंह धोनी; नेटकरी म्हणतात “जमिनीवर पाय असणारा क्रिकेटपटू”

नेटकऱ्यांच्या प्रतिक्रिया –

या जुगाडू ट्रॅक्टरचा व्हिडिओ सोशल मीडियावर मोठ्या प्रमाणात व्हायरल होत असून त्यावर अनेक नेटकरी वेगवेगळ्या प्रतिक्रिया देत आहेत. कमेंट बॉक्समध्ये एका यूजरने लिहिलं, “त्याला वरती बसून ट्रॅक्टर पुढे किती ट्रॅफिक आहे ते बघायचं आहे.” तर दुसऱ्या यूजरने लिहिलं, “हा नारळाची शेती करणारा शेतकरी असल्याने त्याच्याकडे ट्रॅक्टरचा वापर करण्याचा दुसरा कोणताही पर्याय नाही.” तर तिसऱ्या एकाने मजेशीर कमेंट करत लिहिलं, “ऊँचे लोग ऊँची पसंद”