खेळ असो किंवा एखादा प्रोजेक्ट कोणतेही काम करताना टीममधील प्रत्येक व्यक्तीचे योगदान महत्त्वाचे असते. अपेक्षित परिणाम मिळवण्यासाठी, ध्येय गाठण्यासाठी टीममधील सर्वांनीच उत्तम कामगिरी करणे गरजेचे असते. जर एकही जण यात कमी पडला तर त्याचा परिणाम संपूर्ण टीमच्या कामगिरीवर होतो. त्यामुळे कोणतेही काम सुरू करण्यापुर्वी त्याचे योग्य नियोजन करणे गरजेचे असते, कोणत्या सदस्यावर कोणती जबाबदारी आहे याचे योग्य नियोजन करणे गरजेचे असते. असे झाले नाही तर कितीही प्रयत्न केले तरी यश मिळवता येणार नाही. याचाच प्रत्येय सध्या व्हायरल होणाऱ्या एका व्हिडीओमधून येत आहे. या व्हिडीओ उद्योगपती आनंद महिंद्रा यांनी शेअर केला आहे. पाहा व्हायरल होणारा हा व्हिडीओ.
आनंद महिंद्रा यांनी शेअर केलेला व्हिडीओ :
आणखी वाचा : पुरणपोळीचे जेवण, टोपी घालून मानपान; मोलकरणीने दिलेली Farewell Party पाहून तुम्हीही व्हाल भावूक
या व्हिडीओमध्ये दोन पक्षी आणि एक खड्डा दिसत आहे. यातील एक पक्षी पायाने खड्डयात माती टाकून खड्डा भरण्याचा प्रयत्न करत आहे, तर एक पक्षी खड्ड्यातील माती पायाने बाहेर टाकत असल्याचे दिसत आहे. हे पक्षी एकमेकांच्या विरुद्ध काम करत असल्याने, दोघांनाही यात कधीच यश मिळणार नाही. या व्हिडीओच्या कॅप्शनमध्ये आनंद महिंद्रा यांनी याबाबत लिहले आहे, ‘कधीकधी प्रोजेक्ट टीममध्ये काम करताना असा अनुभव येतो, टीममधील प्रत्येकजण एकाच उद्दिष्टासाठी काम करत आहे याची खात्री बाळगणे आवश्यक आहे’. कोणतेही काम करण्यापुर्वी त्याचे योग्य नियोजन आवश्यक आहे, असा संदेश या व्हिडीओमधून देण्यात येत आहे.
