Anant Ambani- Radhika Merchant Wedding Ramdev Baba Dance: अनंत अंबानी व राधिका मर्चंट यांचा लग्नसोहळा शाही थाटामाटात पार पडला. १२ जुलैला मुंबईत बीकेसी येथील जिओ वर्ल्ड कन्व्हेन्शन सेंटरमध्ये राधिका व अनंतने लग्नगाठ बांधली. साधारण सहा महिन्यांपासून चालू असणारं सेलिब्रेशन काल लग्नसोहळ्यानंतरही थांबलेलं नाही. उद्या म्हणजेच १४ जुलैला राधिका व अनंतच्या लग्नाचं रिसेप्शन पार पडणार आहे. या लग्नसोहळ्यात देशविदेशातील कलाकार, राजकीय नेते, व्यावसायिक यांनी हजेरी लावली. एवढंच नाही तर अनेक अध्यात्मिक गुरु सुद्धा अंबानींच्या घरच्या कार्यात सहभागी झाले होते. अनंत व राधिकाच्या वरातीत काल प्रियांका चोप्रा ते रजनीकांत असे अनेक कलाकार नाचताना दिसून आले. या कलाकारांच्या उत्साही नृत्याची चर्चा होत असतानाच आता ‘अंबानींच्या’ वरातीतला एक भन्नाट व्हिडीओ सुद्धा समोर येत आहे ज्यात चक्क योगगुरू रामदेव बाबा सुद्धा थिरकताना दिसत आहेत.
फिल्मफेअरच्या X खात्यावर शेअर केलेल्या व्हिडीओमध्ये रामदेव बाबा स्वतः अनंत अंबानीचा हात धरून नाचताना दिसतायत. वरातीत अनेक कलाकारांसह अंबानी कुटुंबातील सदस्य सुद्धा आनंद साजरा करताना दिसत आहेत. प्रियांका चोप्राने निक जोनस व ईशा अंबानी पिरामलसह चिकनी चमेली व मुझसे शादी करोगी या गाण्यांवर डान्स केला होता. तर स्वतः मुकेश अंबानी हे रजनीकांत, रणवीर सिंहच्या शेजारी उभे राहून लेकाच्या वरातीत डान्स करत होते.
या सगळ्या व्हिडीओजवर नेटकऱ्यांनी कमेंट करताना “प्रत्येक क्षेत्रातील मोठ्या व्यक्तींना आपल्या कार्यक्रमात आणून नाचायला भाग पाडण्याची शक्ती फक्त अंबानींमध्येच आहे” अशी एक बाब हायलाईट केली आहे.
राधिका व अनंत अंबानी यांच्या लग्नाचा पहिला फोटो
दुसरीकडे अनंत अंबानी आणि राधिका मर्चंटच्या लग्नाला रिॲलिटी टीव्ही स्टार किम कार्दशियन, राजकारणी अखिलेश यादव, देवेंद्र फडणवीस, अमृता फडणवीस, अजित पवार, एकनाथ शिंदे, योगगुरू बाबा रामदेव, क्रिकेटपटू हार्दिक पंड्या, धोनी, जसप्रीत बुमराह उद्योगपती गौतम अदाणी, सॅमसंग चेअरमन ली जे-योंग, बॉलिवूड कलाकारांमध्ये शाहरुख खान, सलमान खान, प्रियांका चोप्रा, कतरिना कैफ -विकी कौशल, दीपिका पदुकोण – रणवीर सिंह, ऐश्वर्या राय, रेखा, असे असंख्य पाहुणे अंबानींच्या कार्यक्रमात उपस्थित राहिले होते. या सर्वच पाहुण्यांचे शेकडो व्हिडीओ सध्या ऑनलाईन प्रचंड व्हायरल होत आहेत.
