नशीबवान : विचित्र अपघातात अडकलेल्या महिलेची सहा दिवसांनंतर सुटका

एरिजोनाच्या सार्वजनिक सुरक्षा विभागाने प्रसिद्धीपत्रक जारी करत याबाबत माहीती दिली. १२ ऑक्टोबर रोजी राष्ट्रीय महामार्गावर अपघात ५३ वर्षीय महिलेच्या गाडीचा अपघात झाला होता. ५३ वर्षीय महिला विकेनबर्ग येथून जात असताना गाडीवरील नियंत्रण सुटल्यानंतर हा अपघात झाला. हा अपघात झाल्यानंतर गाडी ५० फूट खोल दरीत कोसळली. महामार्गाच्या बाजूला असलेल्या बॅरीकेटला तोडून महिलेची गाडी ५० फूट खोल दरीत कोसळली होती, अशी माहिती राज्य पोलिसांनी दिली.

या विचित्र अपघाताचा एकही प्रत्यक्षदर्शी नव्हता, महिलेला शोधण्यासाठी बचाव पथकाला सहा दिवस लागले. १८ ऑक्टोबर रोजी महामार्गाच्या बाजूला असलेले बॅरीकेट तुटलेले आणि दरीमध्ये गाडी दिसली. त्यानंतर बचाव पथक आणि पोलिस तेथे पोहचे, मात्र गाडीमध्ये कोणीही नव्हते. पोलिसांनी परिसर सर्व परिसरात शोध घेतला. घटनास्थळापासून ४५७ मीटर अंतरावर महिला जखमी अवस्थेत दिसली, जखमी अवस्थेतली महिलेला हॅलिकॉप्टरच्या मदतीने रूग्णालयात पाठवले. सध्या महिलेवर उपचार सुरू असून प्रकृती उत्तम आहे, अशी माहिती स्थानिक पोलिसांनी दिली.