तुम्ही ‘डब्यूडब्यूई’मधील योद्धा असणाऱ्या द ग्रेट खलीची एक प्रसिद्ध जाहिरात नक्कीच पाहिली असेल. एका सिमेंट कंपनीच्या या जाहिरातीमध्ये उंची अधिक असल्याने होणारा त्रास आणि त्यातून होणाऱ्या गंमतीजमती दाखवण्यात आल्या आहेत. मात्र या जाहिरातीमध्ये दाखवण्यात आलेल्या खलीप्रमाणे अमृतसरमधील जगदीप सिंग यांचे आयुष्य आहे. असं म्हणण्याचं मुख्य कारण वाहतूक पोलीस असणाऱ्या जगदीप यांची उंची चक्क ७ फूट ६ इंच इतकी आहे. विशेष म्हणजे इतकी उंची असणारे ते केवळ भारतातीलच नाही तर जगातील सर्वाधिक उंची असणारे पोलीस अधिकारी ठरले आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

जगदीप सिंग यांना चक्क १९ क्रमांकाचा बूट वापरावा लागतो इतक्या मोठा आकाराचे त्यांचे पाय आहेत. हे बूट त्यांना परदेशातून मागवावे लागतात. आता यावरुनच तुम्ही त्यांच्या उंचीचा अंदाज आला असेल. आपल्या असामान्य उंचीमुळे त्यांना आपले कपडे शिवूनच घ्यावे लागतात. जगदीप यांच्या आधी हरियाणामधील राजेश कुमार यांची ओळख जगातील सर्वाधिक उंची असणारा पोलीस अधिकारी अशी होती. राजेश यांची उंची ७ फूट ४ इंच इतकी होती. मात्र जगदीप हा राजेश यांच्याहून २ इंचाने उंच आहेत. द ग्रेट खलीची उंची ७ फूट १ इंच इतकी आहे. मोटरसायकलची उंची जगदीप यांच्या गुडघ्यापर्यंतच भरते तर बसच्या बाजूला जगदीप उभे राहिल्याच त्यांचा चेहरा थेट चालकाच्या बाजूच्या खिडकीजवळ असतो इतके ते उंच आहेत.

आणखी वाचा

मागील दोन दशकांपासून जगदीप हे पोलीस खात्यामध्ये काम करतात. आपल्या उंचीमुळे जगदीप संपूर्ण पोलीस खात्यामध्ये लोकप्रिय आहे. ‘सर्वात उंच पोलीस अधिकारी असण्याचा मला अभिमान आहे. माझी उंची ७ फूट ६ इंच इतकी आहे तर माझे वजन १९० किलो आहे. मला याचा खूप आनंद होतो,’ असं ‘डेली मेल’शी बोलताना जगदीप यांनी सांगितले आहे.

इतकी उंची असण्याचे जसे फायदे आहेत तसेच तोटेही आहेत असं जगदीप सांगतात. उंचीमुळे होणाऱ्या तोट्यांबद्दल बोलताना जगदीप म्हणतात, ‘उंचीमुळे मला अनेक अडचणींचा समाना करावा लागतो. मला माझ्या आकाराचे कपडे मिळत नाही. मला सर्वजनिक तसेच सामान्य आकाराचे प्रसाधनगृह वापरता येत नाही. इतकच काय तर मला माझ्याच गाडीने प्रवास करावा लागतो. उंची जास्त असल्याने मला टॅक्सी किंवा बसने प्रवास करणे शक्य नाही. या गाड्या माझ्यासाठी अगदीच लहान आहेत.’ दैनंदिन जिवनातील अडचणींबरोबर खाजगी आयुष्यातही उंचीमुळे अडचणी येत असल्याचे जगदीप सांगतात. ‘उंचीमुळे लग्नाच्या वेळेसही मला अनेक अडचणींचा समाना करावा लागला. मला माझ्या उंचीला साजेशी मुलगीच मिळत नव्हती. कोणीही मला त्यांची मुलगी देण्यास तयार होतं नव्हते. अनेकांना माझी उंची जरा जास्तच असल्याचे सांगितले होते,’ असं जगदीप सांगतात.

अखेर जगदीप यांचे लग्न सुखबीर कौर यांच्याशी झाले. सुखबीर या ५ फूट ११ इंच उंचीच्या आहेत, मात्र त्यांना जगदीप यांची उंची कधी खटकली नाही. ‘पंजाबमधील सर्वात उंच पुरुषाशी माझं लग्न झालं आहे याचा मला अभिमान आहे,’ असं सुखबीर सांगतात. तसचं नवऱ्याबरोबर बाहेर फिरायला गेल्यास आम्हाला सेलिब्रिटीसारखी वागणूक मिळते असंही सुखबीर यांनी सांगितले. ‘अनेकजण आमच्याबरोबर फोटो क्लिक करतात. मला याचा आनंद वाटतो. भारतातच काय पण जगातही त्यांच्या इतकी उंची असणारा कोणी पुरुष नसेल,’ असं मत सुखबीर यांनी ‘डेली मेल’ला दिलेल्या मुलाखतीमध्ये मांडले. माझ्या उंचीसाठी गिनीज बूक ऑफ वर्ल्ड रेकॉर्डमध्ये नोंदवले जाईल अशी अपेक्षा मला असल्याचे जगदीप सांगतात.

जगदीप सिंग यांना चक्क १९ क्रमांकाचा बूट वापरावा लागतो इतक्या मोठा आकाराचे त्यांचे पाय आहेत. हे बूट त्यांना परदेशातून मागवावे लागतात. आता यावरुनच तुम्ही त्यांच्या उंचीचा अंदाज आला असेल. आपल्या असामान्य उंचीमुळे त्यांना आपले कपडे शिवूनच घ्यावे लागतात. जगदीप यांच्या आधी हरियाणामधील राजेश कुमार यांची ओळख जगातील सर्वाधिक उंची असणारा पोलीस अधिकारी अशी होती. राजेश यांची उंची ७ फूट ४ इंच इतकी होती. मात्र जगदीप हा राजेश यांच्याहून २ इंचाने उंच आहेत. द ग्रेट खलीची उंची ७ फूट १ इंच इतकी आहे. मोटरसायकलची उंची जगदीप यांच्या गुडघ्यापर्यंतच भरते तर बसच्या बाजूला जगदीप उभे राहिल्याच त्यांचा चेहरा थेट चालकाच्या बाजूच्या खिडकीजवळ असतो इतके ते उंच आहेत.

आणखी वाचा

मागील दोन दशकांपासून जगदीप हे पोलीस खात्यामध्ये काम करतात. आपल्या उंचीमुळे जगदीप संपूर्ण पोलीस खात्यामध्ये लोकप्रिय आहे. ‘सर्वात उंच पोलीस अधिकारी असण्याचा मला अभिमान आहे. माझी उंची ७ फूट ६ इंच इतकी आहे तर माझे वजन १९० किलो आहे. मला याचा खूप आनंद होतो,’ असं ‘डेली मेल’शी बोलताना जगदीप यांनी सांगितले आहे.

इतकी उंची असण्याचे जसे फायदे आहेत तसेच तोटेही आहेत असं जगदीप सांगतात. उंचीमुळे होणाऱ्या तोट्यांबद्दल बोलताना जगदीप म्हणतात, ‘उंचीमुळे मला अनेक अडचणींचा समाना करावा लागतो. मला माझ्या आकाराचे कपडे मिळत नाही. मला सर्वजनिक तसेच सामान्य आकाराचे प्रसाधनगृह वापरता येत नाही. इतकच काय तर मला माझ्याच गाडीने प्रवास करावा लागतो. उंची जास्त असल्याने मला टॅक्सी किंवा बसने प्रवास करणे शक्य नाही. या गाड्या माझ्यासाठी अगदीच लहान आहेत.’ दैनंदिन जिवनातील अडचणींबरोबर खाजगी आयुष्यातही उंचीमुळे अडचणी येत असल्याचे जगदीप सांगतात. ‘उंचीमुळे लग्नाच्या वेळेसही मला अनेक अडचणींचा समाना करावा लागला. मला माझ्या उंचीला साजेशी मुलगीच मिळत नव्हती. कोणीही मला त्यांची मुलगी देण्यास तयार होतं नव्हते. अनेकांना माझी उंची जरा जास्तच असल्याचे सांगितले होते,’ असं जगदीप सांगतात.

अखेर जगदीप यांचे लग्न सुखबीर कौर यांच्याशी झाले. सुखबीर या ५ फूट ११ इंच उंचीच्या आहेत, मात्र त्यांना जगदीप यांची उंची कधी खटकली नाही. ‘पंजाबमधील सर्वात उंच पुरुषाशी माझं लग्न झालं आहे याचा मला अभिमान आहे,’ असं सुखबीर सांगतात. तसचं नवऱ्याबरोबर बाहेर फिरायला गेल्यास आम्हाला सेलिब्रिटीसारखी वागणूक मिळते असंही सुखबीर यांनी सांगितले. ‘अनेकजण आमच्याबरोबर फोटो क्लिक करतात. मला याचा आनंद वाटतो. भारतातच काय पण जगातही त्यांच्या इतकी उंची असणारा कोणी पुरुष नसेल,’ असं मत सुखबीर यांनी ‘डेली मेल’ला दिलेल्या मुलाखतीमध्ये मांडले. माझ्या उंचीसाठी गिनीज बूक ऑफ वर्ल्ड रेकॉर्डमध्ये नोंदवले जाईल अशी अपेक्षा मला असल्याचे जगदीप सांगतात.