kili_paul video: सोशल मीडियावर कधी कोण फेमस होईल हे सांगता येत नाही. असाच एकजण स्टार झालेला व्यक्ती म्हणजे किली पॉल गेल्या काही वर्षात सोशल मीडियाने अनेकांना लोकप्रियता दिली. सोशल मीडियाच्या विविध प्लॅटफॉर्मवर व्हिडिओ, रिल्स बनवून प्रसिद्ध झालेले कलाकार काही कमी नाहीत. तांजानियाच्या एका ग्रामीण भागात राहणारा किली पॉल नावाचा तरुण बॉलिवूड गाण्यांच्या प्रेमात पडला आणि त्याने हिंदी गाण्यावर रिल्स बनवून ते सोशल मीडियावर शेअर केले. किलीचा लूक, त्याच्या लिप्सिंगची स्टाइल आणि साधेपणा नेटकऱ्यांना इतका आवडला की त्याचे सध्या २.५ मिलिअनहून अधिक फॉलोअर्स आहेत. दरम्यान आता तो पुन्हा एकदा चर्चेत आला आहे. त्याचं कारणही खास आहे. २२ जानेवारीला राम मंदिराचं उद्घाटन होणार आहे. अशा परिस्थितीत संपूर्ण देश भगवान रामाच्या आगमनाचा आनंद साजरा करत आहे. याबाबत सर्वत्र प्रचंड उत्साह पाहायला मिळत आहे. दरम्यान, काइली पॉलने इंस्टाग्रामवर एक व्हिडिओ शेअर केला आहे. या व्हिडिओमध्ये तो 'राम सिया राम' गाताना दिसत आहे. कायली पॉलचा हा व्हिडिओ लोकांना खूप आवडला आहे. त्याचबरोबर अनेक युजर्सनी यावर आपली प्रतिक्रिया देखील दिली आहे. हा व्हिडिओ kili_paul ने Instagram या सोशल मीडिया प्लॅटफॉर्मवर शेअर केला आहे. त्यानं व्हिडीओ शेअर करत अयोध्येला येण्याची इच्छा व्यक्त केली आहे. जो आतापर्यंत १ दशलक्षाहून अधिक लोकांनी पाहिला आहे. काइली पॉल वेळोवेळी तो लोकांना भारतीय संस्कृतीची झलक दाखवत असतो. याच काइली पॉलला राम मंदिराच्या उद्घाटनासाठी यायचं आहे. त्याची इच्छा असल्याचं त्यानं सांगितलं आहे. पाहा व्हिडीओ हेही वाचा >> प्रेमासाठी काय पण! भर मंडपात बॉयफ्रेंडनं नवरीला पळवलं; घरचे मागे लागले पण…Video तुफान व्हायरल कोण आहे किली? तांजानियाच्या छोट्याशा खेड्यात किली पॉल राहतो. त्याच्या गावात वीजही नाही, पण व्हिडिओ बनवण्यासाठी तो शेजारच्या गावात जातो. २६ वर्षाचा किली बहीण निमासोबत अनेक व्हिडिओ करत असतो. त्याला हिंदी भाषा येत नाही, पण बॉलिवूडमधील हिंदी गाण्यावर लिप्सिंग करत त्याने केलेले व्हिडिओ व्हायरल झाले आहेत. अनेकदा तो त्याच्या खास अंदाजात डान्सही करतो. व्हायरल व्हिडिओवर लोकांनी अशा प्रतिक्रिया दिल्या व्हायरल होत असलेल्या या व्हिडिओवर लोक आपापल्या प्रतिक्रिया देत आहेत. एका यूजरने लिहिले- अयोध्येत स्वागत आहे. आणखी एका यूजरने लिहिले- तुम्ही मन जिंकले आहे. त्याचबरोबर अनेक यूजर्सनी पोस्टवर जय श्री रामचा नाराही लावला आहे.
