ऑफिसमध्ये शेवटच्या दिवशी स्पायडरमॅनच्या वेशात पोहोचला बँक कर्मचारी

राजीनामा दिल्यानंतर कंपनीतील शेवटचा दिवस लक्षात राहावा यासाठी अनेकजण वेगवेगळ्या कल्पना वापरतात. काहीजण पार्टी करतात तर काहीजण आठवण म्हणून आपल्या सहकाऱ्यांना भेटवस्तू देतं. पण ब्राझीलमधील एका बँक कर्मचाऱ्याने आपण कधीही विचार केला नसेल अशा पद्धतीने आपला शेवटचा दिवस साजरा केला. कामाच्या शेवटच्या दिवशी हा कर्मचारी चक्क स्पायडरमॅनच्या वेशात ऑफिसमध्ये पोहोचला. इतकंच नाही तर त्याने तसंच दिवसभरातील कामही पूर्ण केलं. त्याचा व्हिडीओ सध्या सोशल मीडियावर व्हायरल होत आहे.