…त्याने आधी सापाचे दात खेचून काढले; नंतर साप घेऊनच रुग्णालयामध्ये उपचारासाठी पोहचला

हा सारा प्रकार घडत होता तेव्हा अनेकजण येथे जमा झाले होते. या सापाला घेऊनच गोपी रुग्णालयामध्ये उपचार करण्यासाठी पोहचला. डॉक्टरांनी या तरुणावर उपचार केले असून तो सुरक्षित असल्याचं सांगण्यात आलं आहे. मात्र उपचार झाल्यानंतरही हा तरुण या सापाशी खेळत होता. रुग्णालयातील वेटींग एरियामधील खुर्चीवर बसून तो सापाशी खेळत होता. कधी तो साप आपल्या चेहऱ्यावर ठेवत होता तर कधी तो सापाला दाताने चावत होता. हा सर्व प्रकार पाहून बघ्यांनी रुग्णालयामध्येही गर्दी केली.

साप चावल्यानंतर हा साप विषारी आहे की नाही हे ठाऊक नसल्याने हा तरुण साप घेऊनच रुग्णालयात पोहचला. त्यानंतर डॉक्टरांनाही त्याने तो साप दाखवला. हा साप विषारी नसल्याने या तरुणाच्या जीवाला धोका नसल्याचं डॉक्टरांनी सांगितलं. मात्र आपल्याला चावलेल्या सापाला हा तरुण ज्या पद्धतीने हाताळत होता ते पाहून डॉक्टरांनाही आश्चर्य वाटलं. पुढे गोपीने या सापासोबत काय केलं यासंदर्भातील माहिती अद्याप समोर आलेली नाही.