रिक्षा चालकांशी भाड्यासाठी भावतोल करणे हे खरंच त्रासदायक गोष्ट असू शकते. कारण हे निराशाजनक, थकवणारी गोष्ट आहे आणि अनेकदा कधीही न संपणाऱ्या लढाईसारखे वाटते. पण जेव्हा ओला, उबेर आणि रॅपिडो सारख्या राइड-शेअरिंग ॲप्स उपलब्ध झाले तेव्हा अनेकांची ही चिंता दुर झाली कारण या अॅपवर भाड्याची निश्चित-किंमत दिली जात असे त्यामुळे भावतोल करण्यासाठी रिक्षाचालकांशी वाद घालण्याची गरज नव्हती. पण ओला अॅप वापरणाऱ्या ग्राहकांना पुन्हा रिक्षाचालकांसह भाड्यासाठी वाद घालून भावतोल करावा लागणार आहे. कारण ओलाने निश्चित भाड्याच्या वैशिष्ट्यात बदल केला आहे.
ओलाने ही सोय काढून टाकल्यामुळे ग्राहकांची चिंता वाढली आहे.होय, तुम्ही ते बरोबर ऐकले! ओलाने ऑटो राइड्ससाठी आपल्या अटी व शर्ती बदलल्या आहेत. निश्चित भाडे दर्शविण्याऐवजी, ते आता एक भाडे श्रेणी दर्शवत आहे. दिलेल्या श्रेणी पैकी किती भाडे द्यायचे हा निर्णय त्यांनी ग्राहक आणि चालकावर सोडला आहे. उदाहरणार्थ, तुम्ही पॉइंट A ते पॉइंट B पर्यंत प्रवास करत असल्यास, ॲप आता रु. १३०-२००रुपये असे भाडे दर्शवतेआणि अंतिम भाडे ठरवण्यासाठी तुम्हाला ड्रायव्हरशी भावतोल करावा लागेल. हा बदल १ मार्चपासून लागू झाला आहे.
हा बदल लक्षात आल्यानंतर एका वैतागलेल्या ग्राहकाने एक्सवर पोस्ट केली आहे. ओलाने केलेल्या या बदलाबाबत नाराजी व्यक्त केली आहे. बंगळुरू येथील राहाणाऱ्या ग्राहकाने पोस्टमध्ये लिहिले की, “आता ओला कॅब ग्राहकांना राईड पूर्ण झाल्यानंतर चालकाबरोबर भाड्याबाबत भावतोल करण्यासाठी सांगत आहे. ” ही पोस्ट सोशल मीडियावर काही वेळात व्हायरल झाली.
हेही वाचा – “उसाचा मंडप, फुलांची सजावट अन्…”, नववधूने केले पर्यावरणपुरक लग्न, झिरो वेस्ट वेडिंगचा Video Viral
ओलाने केलेल्या या बदलाबाबत ग्राहकांनी नाराजी व्यक्त केली आहे. अनेकांनी या निर्णयावर टिका केली आहे. एकाने लिहिले की, फालतू वैशिष्ट्ये आहे कारण तुम्हाला आणि मलाही माहित आहे की रिक्षाचालक जास्तीत जास्त पैसे मागणार ( चैन्नई सारख्या शहरांमध्ये जिथे चालक ५० ते १०० रुपये जास्त घेण्याचा प्रयत्न करतील हे फार वाईट आहे.)
दुसरा म्हणाला, येथे काही भावतोल करता येणार नाही, चालक जे नेहमी जास्तीचे भाडे मागणार आणि तुम्हाला ते द्यावे लागणार” तिसरा म्हणाला, येथे काय भावतोल करणार, एखाद्याला जास्तीचे भाडे द्यावे लागेल आणि तेही रोख रक्कम, अत्यंत वाईट वैशिष्ट्ये आहे. याच गोष्टीमुळे मी गेल्या काही दिवसांपासून ओला अॅप वापरणे बंद केले आहे.
ओलाने या पोस्टवर कोणतिही प्रतिक्रिया दिलेली नाही. एका अज्ञात ओला कर्मचाऱ्याने डेक्कन क्रॉनिकला माहिती देताना सांगितले होते की, आम्ही रोज अनेक परिस्थितींचा सामना करतो जिथे ग्राहक चालकाने भाडे जास्त घेतल्याचा दावा करतात आणि आम्हाला ते रिफंड करावे लागतात, पण जेव्हा आम्ही याबाबत शोध घेतला तेव्हा लक्षात आले की, चालक कोणतेही जास्तीचे भाडे आकारत नाही. आम्ही हा प्रश्न सोडवला असाल तरी आम्हाला ग्राहकांच्या अशा अनेक तक्रार येत असतात. ग्राहकांच्या कॉल आणि इमेल्सची संख्या वाढत आहे”
© IE Online Media Services (P) Ltd