बरेच लोक आपला जीव इतक्या हलक्यात घेऊन जगतात की जणू काही देवाने त्यांना अजरामर राहण्याचे वरदान दिले आहे. त्यांना असे वाटते की, कोणतेही कठीण परिस्थितीत ते आपला जीव सहज वाचवू शकतात. पण या आत्मविश्वासामुळे ते अनेकदा आपला जीव वाचवण्यापेक्षा धोक्यातच घालतात. असाच आत्मविश्वास एका बाईक स्वाराला चांगलाच नडला आहे. याचा एक व्हिडीओ सध्या सोशल मीडियावर व्हायरल होत आहे, ज्यामध्ये एक बाईकस्वार रेल्वे क्रॉसिंग बंद असतानाही बाईक पटरीजवळ नेतो आणि जीवाला मुकतो.
बाईकने रेल्वे फाटक ओलांडताना भरधाव वेगाल आली ट्रेन अन्…
या थरारक अपघाताचा व्हिडिओ जवळच्या सीसीटीव्हीमध्ये रेकॉर्ड झाला आहेत, जो आता तुफान व्हायरल होत आहे. रेल्वे क्रॉसिंग बंद झाल्यानंतरही एक बाईकस्वार रेल्वे रुळ ओलांडत असल्याचे व्हिडिओमध्ये दिसत आहे. यावेळी भरधाव वेगाने ट्रेन आली आणि एका झटक्यात त्या व्यक्तीला उडवून गेली. ट्रेनच्या भीषण धडकल्यानंतर बाईकस्वार तर दिसेनासा झालाच पण त्याच्या बाईकचे अक्षरश: बारीक तुकडे पडले. या भीषण अपघातात बाईक स्वाराचा जागीच मृत्यू होतो. ही दुर्घटना इतकी भीषण होती की, व्हिडिओ पाहून तुमचाही थरकाप उडेल.
बाईक स्वाराच्या भीषण अपघाताचा हा व्हिडीओ @ExtremeFaiIs नावाच्या ट्विटर पेजवर शेअर करण्यात आला आहे. हा व्हिडीओ आत्तापर्यंत २ लाख लोकांनी पाहिला आहे तर २३ हजारहून अधिक लोकांनी लाईक केला आहे. हा व्हिडीओ पाहिल्यानंतर युजर्सनी बाईकस्वाराचे हे वागणे खूप चुकीचे होते असे म्हटले आहे. तर अनेकांनी असा निष्काळजीपणा कधीही करू नये, असे आवाहन केले आहे. तुम्हाला कुठेतरी पोहोचायला उशीर झाला तरी चालेल, पण तुमचा जीव अनमोल आहे, तो पुन्हा मिळणार नाही. त्यामुळे अशाप्रकारे जीव धोक्यात घालून बाईक चालवणे थांबवले पाहिजे.
