Bill Gates Enjoys Mumbai’s Favorite Street Food with Sachin Tendulkar : मायक्रोसॉफ्टचे सह-संस्थापक आणि प्रसिद्ध परोपकारी बिल गेट्स यांनी नेहमीच भारताच्या उत्साहाचे आणि प्रतिभावान व्यक्तींचे कौतुक केले आहे. बिल गेट्स हे तीन वर्षांत तिसऱ्यांदा भारतात आले आहेत. यावेळी गेट्स फाउंडेशनच्या २५ व्या वर्धापन दिनानिमित्त. त्यांच्या भेटीदरम्यान त्यांनी पंतप्रधान नरेंद्र मोदींसह काही प्रभावशाली व्यक्तींची भेट घेतली. परंतु त्यांच्या व्यस्त वेळापत्रकातून वेळ काढून गेट्स त्यांनी भारतीय स्ट्रीट फूडचा आस्वाद घेतला आहे. नुकताच त्यांनी मुंबईचा प्रसिद्ध वडा पावचा आनंद घेतला तेही मास्टर ब्लास्टर सचिन तेंडुलकरबरोबर.
बिल गेट्स यांनी सचिन तेंडुलकरबरोबर मारला वडापाववर ताव
अलीकडेच, तंत्रज्ञान आणि क्रिकेटच्या जगात टक्कर झाली जेव्हा मायक्रोसॉफ्टचे सह-संस्थापक बिल गेट्स यांनी भारतीय क्रिकेट दिग्गज सचिन तेंडुलकरसोबत एक गोड क्षण शेअर केला. इंस्टाग्रामवर पोस्ट केलेल्या व्हिडिओमध्ये, गेट्स आणि तेंडुलकर वडापाव खाताना दिसत आहेत. इंस्टाग्रामवर शेअर केलेल्या व्हिडिओमध्ये, गेट्स हे क्रिकेटचे महान दिग्गज सचिन तेंडुलकरबरोबर एका बेंचवर बसलेले दिसत आहेत. दोघेही अगदी सामान्य कपड्यांमध्ये बसलेले आहेत आणि वडापावचा आस्वाद घेत आहेत. त्यांनी पोस्टला कॅप्शन दिले आहे, “कामावर जाण्यापूर्वी एक नाश्ता ब्रेक,” हा व्हिडिओ लवकरच व्हायरल झाला आणि सोशल मीडियावर या व्हिडीओने अनेकांचे लक्ष वेधून घेतले.
व्हिडिओ पहा:
भारत भेटीबाबत गेट्स यांनी एका ब्लॉग पोस्टमध्ये सांगितले की, “मी नवीन कल्पना घेऊन आलो कारण भारत जगातील काही कठीण समस्यांना सर्जनशील मार्गांनी तोंड देणार्‍या हुशार, महत्त्वाकांक्षी लोकांनी भरलेला आहे.”
सचिन तेंडूलकर आणि गेट्स यांची ही पहिली भेट नव्हे
अब्जाधीश आणि क्रिकेटपटू हे पहिल्यांदाच एकमेकांना भेटले आहेत असे नाही. गेल्या वर्षी, मुंबई भेटीदरम्यान, गेट्स तेंडुलकर आणि त्यांची पत्नी अंजली यांना भेटले. तेंडुलकरने त्यांच्या संभाषणाचे वर्णन करताना म्हटले की, “परोपकाराबद्दल दृष्टिकोन मिळविण्यासाठी एक शिकण्याची अद्भूत संधी. “मुलांच्या आरोग्यसेवेतील तुमच्या कामाबद्दल अधिक जाणून घेण्यास मला खूप मजा आली. एकत्र काम करून आपण प्रगतीसाठी शतक ठोकू शकतो अशी आशा आहे!”
वडा पाव – मुंबईकरांचे मन जिंकण्याचा मार्ग
वडा पाव हा मुंबईचा स्वतःचा बर्गर म्हणून लोकप्रिय आहे आणि तो फक्त एक नाश्ताच नाही तर सांस्कृतिक अभिमान आहे. मुंबईच्या गजबजलेल्या रस्त्यांवर जन्मलेल्या या परवडणाऱ्या आणि चवदार पदार्थाने भारतातील लाखो लोकांची मने आणि चव जिंकली आहे. त्यात मऊ पावामध्ये ठेवलेला मसालेदार बटाट्याचा वडा असतो, त्याबरोबर तिखट चटण्या आणि तळलेल्या हिरव्या मिरच्यांचा दिल्या जाता ज्या त्याचा स्वाद आणखी वाढतात. वडा पाव हे मुंबईच्या उत्साही स्ट्रीट फूडचे प्रतीक आहे.
यापूर्वी जेव्हा मायक्रोसॉफ्टचे संस्थापक बिल गेट्स भारतात होते, तेव्हा त्यांनी नागपूरमधील स्थानिक चहा विक्रेत्यासोबत वेळ घालवला होता, ज्याला इंस्टाग्रामवर डॉली चहावाला म्हणून ओळखले जाते. गेट्स चहा पिण्यात आणि भारतीय स्ट्रीट फूडचा आस्वाद घेण्यात वेळ घालवत होते, तर त्यांनी सोशल मीडियावर व्हिडिओ देखील शेअर केला आणि त्याला लाखो व्ह्यूज आणि लाखो लाईक्स आणि रीशेअर मिळाले. त्यांनी पोस्टला कॅप्शन दिले, “भारतात, तुम्ही जिथेही वळाल तिथे तुम्हाला नवोन्मेष सापडतो – अगदी साध्या चहाच्या कपातही!”
