Viral Video : प्रेम हे जगातील सर्वात सुंदर भावना आहे. आई मुलामध्ये असलेले प्रेम असो किंवा बहीण भावातील प्रेम असो, नवरा बायकोमधील प्रेम असो किंवा प्रियकर प्रेयसीमधील प्रेम असो, प्रेम हे प्रेम असतं. प्रेमासाठी जीव देणारे, त्याग करणारे अनेक प्रकरणे तुम्ही ऐकले असतील पण हल्ली प्रेमाची व्याख्या बदलताना दिसत आहे. विशेषत:प्रियकर आणि प्रेयसीच्या नात्यात हिंसाचार आणि अत्याचार वाढला आहे. कोणत्याही रिलेशनशिपमध्ये प्रेम आणि विश्वास असणे गरजेचे असते. मात्र अनेकदा अनेकदा रिलेशनशिपमध्ये असतानाही बॉयफ्रेंड अथवा गर्लफ्रेंड दुसऱ्याच व्यक्तीशी संबंध ठेवतात, एकमेकांची फसवणूक करतात. असाच एक धक्कादायक प्रकार समोर आला आहे.यामध्ये एका तरुणानं आपल्या गर्लफ्रेंडला दुसऱ्या तरुणाबरोबर रंगेहात पकडलं आहे. एवढचं नाही तर त्यानंतर या तरुणानं असं काही केलं की तुम्ही विचारही करु शकत नाही.
आयुष्याची कमाल आहे ना राव…आपल्याकडे कितीही असलं तरी अजून अजून गोष्टी हव्या असतात. आता या तरुणीचंच घ्या ना…एक बॉयफ्रेंड असताना ती दुसऱ्या तरुणासोबत फिरत होती. तिला जराही भीती नव्हती का? की आपला बॉयफ्रेंड पकडेल. त्यानंतर काय होईल याची…कदाचित नाहीच म्हणून ती बिनधास्त त्या तरुणासोबत होती. मात्र तिथे तिचा बॉयफ्रेंड येतो अन् मग काय घडतं पाहा.
आता तुम्हाला वाटलं असेल की तो तिच्यावर ओरडला असेल किंवा फार फार तर त्यानं तिच्यावर हात उचलला असेल. मात्र यातलं त्यानं काहीच केलं नाही तर फक्त फसवणूक करताना रंगेहाथ पकडल्यानंतर तरुणानं तिच्यावर ओरडणे सोडून तिची स्कूटर हिसकावून घेतली, जी तिने त्याला आधी गिफ्ट केली होती. प्रेमात असताना गर्लफ्रेंड बॉयफ्रेंड एकमेकांना वेगवेगळे गिफ्ट्स देत असतात. असंच गिफ्ट या बॉयफ्रेंडनं त्याच्या गर्लफ्रेंडला दिलं होतं, मात्र तिनं फसवणूक केल्यानं त्यानं ती स्कूटर तिच्याकडून हिसकावून घेतली. व्हायरल व्हिडिओमध्ये मुलगा मुलीसमोर स्कूटर घेऊन उभा असल्याचे दिसत आहे. दरम्यान, दुसरा मुलगा दोघांच्या जवळ उभा असलेला दिसतो आणि दुसऱ्या मुलाला बाजूला होण्यास सांगतो. मुलगी स्कूटरची चावी परत मागताना ऐकू येते. काही वेळ वाद घातल्यानंतर तो मुलगा पुढे सरकतो आणि तिचे केस धरण्याचा प्रयत्न करतो. मात्र, दुसरा मुलगा त्याला तसे करण्यापासून थांबवतो. आता तुम्हीच सांगा बॉयफ्रेंडनं जे केलं ते बरोबर केलं का?
पाहा व्हिडीओ
हेही वाचा >> कावळा उड, चिमणी उड…खेळताना चिमुकल्या मुलींची झाली भांडणं; हा VIDEO पाहून तुम्हीही पोट धरुन हसाल
सोशल मीडियावर हा व्हिडीओ @ShoneeKapoor नावाच्या एक्स अकाऊंटवरुन शेअर करण्यात आला आहे.
