PHOTO: “पोरं प्रेमात काय करतील सांगता येत नाही” स्टँप पेपरवर गर्लफ्रेंडसाठी लिहला खास मेसेज; वाचून तुम्हीही पोट धरुन हसाल

मेजेस वाचून तुम्हीही पोट धरुन हसाल तसेच अनेकांना त्यांच्या पहिल्या प्रेमाची आठवण होईल. आता तुम्हालाही प्रश्न पडला असेल की या स्टँप पेपरवर नेमकं लिहलंय तरी काय? तर या स्टँप पेपरवर “मरेपर्यंत मी फक्त तुझ्यावरच प्रेम करत राहीन…लग्न करेन तर फक्त तुझ्याशीच करेन नाहीतर असाच राहीन…माझे शब्दच हेच माझं वचन आहे. आय लव्ह यू पूजा” असा आशय लिहला आहे.  या स्टँप पेपरमार्फत तरुणानं आपल्या गर्लफ्रेंड पूजाला सिक्रेट मेसेज देण्याचा प्रयत्न केलाय. पण हा मेसेज बहुदा फेल गेला असल्याची शक्यता आहे. कारण हा स्टँप पेपर आता सोशल मीडियावर चांगलाच व्हायरल होतोय.

पाहा फोटो

आता दोन प्रेम करणाऱ्यांना एकत्र करणाऱ्यांची कमी नाही. किती तरी लोक असे आहेत, जे अशा कपलला भेटवण्यासाठी जमीन-आकाशही एक करतात. हा स्टँप पेपर पाहून किंवा ही पोस्ट पाहिल्यानंतरही असंच काहीसं घडतं आहे.या पोस्टवर बऱ्याच लोकांनी प्रतिसाद दिला आहे. त्यावर बऱ्याच कमेंट येत आहेत. बहुतेकांनी याला गांभीर्याने घेतलं आणि आपण पूजापर्यंत हे पोहचवणारच असा निश्चय केला आहे. हा मेसेज त्या पूजेपर्यंत पोहोचवण्यासाठी काहींनी धडपड सुरू केली आहे. तर काही लोकांनी हे मजेत घेत त्यावर मजेशीर प्रतिक्रियाही दिल्या आहेत.