Bike stunt Video viral: काही मंडळींना स्टंटबाजी करण्याची फारच हौस असते. ही मंडळी संधी मिळताच चित्रविचित्र स्टंट मारून लोकांचं लक्ष वेधून घेण्याचा प्रयत्न करतात. पण ही स्टंटबाजी काही वेळेस अंगाशी सुद्धा येते. स्टंटबाजांना नको त्या ठिकाणी मार बसतो आणि आयुष्यभरासाठी अपंगत्व येतं. वाहतुकीचे नियम मोडून रस्त्यावर वाहनांची भन्नाट स्टंटबाजी करतानाचे व्हिडीओ सोशल मीडियावर व्हायरल होताना दिसतात. पण व्हिडीओच्या माध्यमातून प्रसिद्धी मिळवण्यासाठी धोकादायक स्टंटबाजी करणाऱ्यांना चांगलीच अद्दलही घडल्याचे व्हिडीओ अनेकदा समोर आले आहेत. असाच काहीसा प्रकार आता समोर आला आहे. यामध्ये एका बाईकवर तीन तरुण जिवघेणा स्टंट करताना मोठा अपघात झाला आहे. काळजाचा ठोका चुकावणारा याचा व्हिडीओ सध्या व्हायरल होतंय.
रस्ते अपघातात दरवर्षी लाखो लोक आपला जीव गमावतात, तरीही काही लोक जाणीवपूर्वक आपला जीव धोक्यात घालतात. असाच काहीसा एक बाईक चालवताना दिसत आहे ज्याचा व्हिडिओ व्हायरल होत आहे. सोशल मीडियाच्या जगात तरुणाई लोकांपर्यंत पोहोचण्यासाठी विविध मार्ग शोधत असतात. यात रिल्स आणि सोशल मीडियाच्या नादात अनेकांचा बळी देखील गेल्याच्या अनेक घटना समोर आल्या आहेत. मात्र तरुणाईवर याचा काहीही फरक पडताना दिसत नाही.
या व्हिडीओमध्ये तुम्ही पाहू शकता, एकाच बाईकवर तीन जण विनाहेल्मेट बसले आहेत. धक्कादायक म्हणजे रस्त्यावर वाकडी तिकडी गाडी वळवत ते जीवघेणी स्टंटबाजीही करत आहेत. हीच स्टंटबाजी त्यांच्या अंगलट येते अन् तिघेही जोरदार आपटतात. त्यातील एक तरुण तर अक्षरश: उडून पडतो. त्याचवेळी बाजूने ट्रक येत असतो, मात्र सुदैवाने भरधाव ट्रक त्यांच्या अगदी जवळून गेल्याने तिघांचाही जिव वाचतो.
पाहा व्हिडीओ
हेही वाचा >> बापरे! भूक लागल्यावर साप स्वतःलाच खातो; हा VIDEO पाहून अंगावर येईल काटा
व्हायरल व्हिडीओवर एका युजरने लिहिले की, क्षणभर असे वाटेल की, आता संपलं सगळं. दुसऱ्या युजरने लिहिले, ‘खूप धोकादायक व्हिडीओ.’ त्याच वेळी तिसऱ्या युजरने लिहिले की, ‘लोकांना त्यांच्या जीवाची पर्वा नाही.’
