लग्न केवळ दोन व्यक्तींना नाही तर दोन कुटुंबांना एकत्र आणतं. हा लग्नसोहळा खास व्हावा आणि सगळ्यांच्या तो लक्षात राहावा यासाठी हल्ली वेगवेगळे कार्यक्रम ठेवले जातात. अगदी मेहंदी, संगीत, हळद व लग्न अशा साग्रसंगीत कार्यक्रमांची मांदियाळी असते. त्यात आजकाल लग्नात खास डान्स परफॉर्मन्स करणं ही अगदी सामान्य बाब झाली आहे. आपल्या जोडीदारासाठी या खास दिवशी डान्स करीत वधू-वर आपला आनंद द्विगुणीत करतात.
सोशल मीडियावर अनेकदा लग्नसोहळ्यातील असे डान्स व्हिडीओ व्हायरल होत असतात. सध्या असाच एक डान्स परफॉर्मन्स सोशल मीडियावर व्हायरल होतोय. नुकत्याच व्हायरल झालेल्या व्हिडीओमध्ये नववधू आणि वर जबरदस्त डान्स करताना दिसले, पण पुढच्याच क्षणी त्यांच्याबरोबर जे घडलं ते पाहून तुम्हालाही बसेल धक्का.
डान्स करायला गेला अन्…
सोशल मीडियावर व्हायरल झालेल्या या व्हिडीओत नुकतंच लग्न झालेले नवरा बायको खास परफॉर्मन्स करताना दिसतायत. ते डान्स करत तो क्षण आनंदात जगताना दिसतायत. पण, या व्हिडीओत दाखवल्याप्रमाणे नवरदेवाचा डान्स करता करता अचानक तोल जातो आणि तो बायकोसकट खाली कोसळतो. खाली पडताच बायको जमिनीवर आदळते आणि नवरादेखील तिच्या बाजूला पडतो. या नवदाम्पत्याचं सगळ्यांसमोर हसू होतं.
नवरदेवाचा हा व्हायरल व्हिडीओ @motivational_sahar या इन्स्टाग्राम अकाउंटवरून शेअर करण्यात आला असून “काय नवरा बनणार रे तू” अशी कॅप्शन या व्हिडीओला देण्यात आली आहे. या व्हिडीओला तब्बल ७.७ मिलियन व्ह्युज आले आहेत.
युजर्सच्या प्रतिक्रिया
नवरदेवाचा हा डान्स व्हिडीओ पाहून अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “किती मोठा अपमान झाला”, तर दुसऱ्याने “तुझ्याने काही होणार नाही” अशी कमेंट केली. तर एक जण कमेंट करत म्हणाला, “मुलीचं वजन जास्त असेल म्हणून तो पडला.”
