Groom vs Bride WWE Fighting Video Viral : लग्नसमारंभ असल्यावर नवरा असो वा नवरी दोघांसाठी हा क्षण अविस्मरणीय असतो. या दिवसी नवरा-बायको नटून सजून स्टेजवर आलेले असतात. पण काही जोडपे पाहुण्यांच्या स्वागत करण्याऐवजी त्यांना जोरदार धक्काच देतात. आताच्या बदलत्या युगात कुणी बोटीवर जाऊन लग्न करतो. तर कोणी हेलिकॉप्टरने एन्ट्री मारून बायकोला सासरी घेऊन जातो. परंतु, नुकतच व्हायरल झालेल्या नवरा-नवरीच्या लग्नाच्या व्हिडीओनं सोशल मीडियावर सर्वांना चकीत केलं आहे. कारण नवरा-नवरीत भर लग्नमंडपात WWE सारखी फायटिंग झाल्याचं समोर आलं आहे.
लग्नसमारंभातील रिसेप्शन सेरेमनी सुरु असताना नवरीने नवऱ्याची मान पकडली आणि त्याला दणकन स्टेजवरच आपटला. त्यांच्यात झालेली कुस्ती पाहून सर्व पाहूण्यांना आश्चर्याचा धक्का बसला. नवरा-नवरीचं हे भांडण कॅमेरात कैद झालं असून व्हिडीओ सोशल मीडियावर प्रचंड व्हायरल झाला आहे.नवरा-बायकोच्या या व्हिडीओत पाहू शकता की, दोघेही जेव्हा स्टेजवर येतात, तेव्हा नवरी अचानक नवऱ्याच्या पोटात लात मारते आणि मान पकडून त्याला जमिनीवर आपटते. हा संपूर्ण प्रकार कॅमेरात कैद झाला आणि लग्नमंडपात उपस्थित असलेल्या पाहूण्यांना धक्काच बसला.
इथे पाहा नवरा-नवरीच्या फायटिंगचा व्हिडीओ
व्हिडीओत दिसतंय की, नवरी WWE सारखा स्टंट मारून नवऱ्याची धुलाई करते. त्यावेळी एक रेफ्रीही तिथे येतो आणि नवऱ्या खाली पडताच तीन पर्यंत आकडे मोजतो. त्यानंतर तो या फायटिंगमध्ये नवरी विजयी झाल्याचं घोषीत करतो. व्हिडीओ पाहिल्यानंतर असं म्हणू शकता की, नवरी WWE ची तगडी फॅन आहे. वर्ल्ड रेसलिंग एंटरटेनमेंट अमेरिकेची कंपनी असून लोकांचं मनोरंजन करण्यासाठी या शोमध्ये कुस्तीच्या स्पर्धा खेळवल्या जातात.
नवरा-बायकोचा हा भन्नाट व्हिडीओ इन्स्टाग्रामवर शेअर करण्यात आला आहे. हा फनी व्हिडीओ पाहून यूजर्सने मजेशीर प्रतिक्रियांचा वर्षाव केला आहे. या व्हिडीओला आतापर्यंत ६१ हजारांहून अधिक व्यूज मिळाले आहेत. एका यूजरने या व्हिडीओला प्रतिक्रिया देत म्हटलं, अशा पत्नीशी भांडण करण्याआधी तुम्हाला दहावेळा विचार करावा लागेल. अन्य एक यूजर म्हणाला, हे खूप अजब होतं. मी माझ्या लग्नात अशीच एन्ट्री करेल.
