Brides Parents dances Oo Antava song: प्रत्येक आई बापाचं स्वप्न असतं की आपल्या मुलीला चांगला जोडीदार मिळावा आणि तिचं लग्न अगदी थाटामाटात व्हावं. आई-वडील खूप कष्ट करून आपल्या मुलीला लहानाचं मोठं करतात. तिचे हट्ट पुरवतात, तिला चांगलं शिक्षण देतात. पण, एक वेळ अशी येतेच जेव्हा ती हे सगळं सोडून आपल्या सासरी जाते.
आपल्या पोटचा जीव असा आपल्यापासून दूर जातोय याचं वाईट जितकं आई- वडिलांना वाटत असतं तितकाच आनंद तिला चांगला जोडीदार, चांगलं सासर मिळाल्याचा असतो. मुलीच्या या लग्नासाठी आई-वडिलांनी खूप स्वप्न पाहिलेली असतात.
आजकाल लग्नसोहळा एखाद्या उत्सवासारखा साजरा केला जातो. साखरपुडा, मेंदी, संगीत, हळद मग लग्न अशा साग्रसंगीत कार्यक्रमांची मांदियाळी असते. त्यात आजकाल लग्नात खास डान्स परफॉर्मन्स करणं ही अगदी सामान्य बाब झाली आहे. सोशल मीडियावर लग्नसोहळ्यातील अशा डान्सचे व्हिडीओ व्हायरल होत असतात, पण सध्या एक खास व्हिडीओ सोशल मीडियावर चर्चेत आला आहे, ज्यात वधूचे आई-बाबा स्टेजवर खास परफॉरमन्स करताना दिसतायत.
हेही वाचा… पुणेकरांचा विषय हार्ड! शेतात लावली अशी पाटी की पुढे जायची कोणी हिंमत करणार नाही; वाचून पोट धरून हसाल
नववधूच्या आई-बाबांचा जबरदस्त डान्स
सोशल मीडियावर व्हायरल झालेल्या या व्हिडीओमध्ये मुलीच्या लग्नसोहळ्यात तिचे आई-बाबा स्टेजवर जबरदस्त परफॉर्मन्स करताना दिसत आहेत. अल्लू अर्जुन आणि रश्मिका मंदाना अभिनीत ‘पुष्पा’ चित्रपटातील ‘उ अंटवा’या प्रसिद्ध गाण्यावर वधूचे आई-वडील जबरदस्त ठेका धरताना दिसत आहेत. समांथा प्रभूच्या या गाण्यावर कपलने हुबेहूब स्टेप्स करत स्टेजवर धमाका केला असल्याचं व्हिडीओमध्ये पाहायला मिळतंय. अगदी एनर्जेटिक परफॉर्मन्स करत आई-वडिलांनी मुलीच्या या लग्नसोहळ्यात चार चाँद लावले आहेत.
वधूच्या आई-वडिलांच्या डान्सचा व्हिडीओ @silver_shimmer_choreography या इन्स्टाग्राम अकाउंटवरून शेअर करण्यात आला असून या व्हिडीओला “वय हा फक्त एक आकडा आहे याचा पुरावा” अशी कॅप्शन देण्यात आली आहे. व्हिडीओ व्हायरल होताच याला तब्बल दोन लाखांपेक्षा जास्त व्ह्युज आले आहेत.
हेही वाचा… “मुलगी काळी…”, नवरदेवाने घेतला जगात भारी उखाणा, VIDEO पाहून कराल कौतुक
युजर्सच्या प्रतिक्रिया
इतका सुंदर परफॉर्मन्स बघून नेटकऱ्यांनी या व्हिडीओवर भरभरून प्रतिक्रिया दिल्या आहेत. एका युजरने कमेंट करत लिहिलं, “ते डान्सचा मनसोक्त आनंद घेतायत हे पाहून मला खूप छान वाटलं.” तर दुसऱ्याने “हे क्षण अनमोल आहेत”, अशी कमेंट केली. तर एक जण कमेंट करत म्हणाला, “काका खूप क्यूट आहेत.”
