सोशल मीडियावर लग्नाचे अनेक व्हिडीओ रोज व्हायरल होत असतात पण सध्या एका अशा लग्नाचा व्हिडीओ व्हायरल होत आहे ज्याची तुम्ही कदाचित कल्पनाही केली नसेल. हा व्हायरल व्हिडिओ २ मिलियन पेक्षा जास्त लोकांनी पाहिला आहे. व्हिडीओ व्हायरल होण्याचे कारणही तसे हटकेच आहे. सहसा लग्नांच्या विधींमध्ये नवरदेव नवरीच्या भांगेत कुंकू भरतो पण तुम्ही कधी एखाद्या नवरीला नवरदेवाच्या भांगेत कुंकू भरताना पाहिले आहे का? नसेल तर हा व्हिडीओ नक्की पाहा. हे लग्न अगदी हटके पद्धतीने पार पडले आहे. व्हिडीओ पाहून सोशल मीडियावर चर्चांना उधाण आले आहे.
अनेक सोशल मीडिया प्लॅटफॉर्मवर हा व्हिडिओ व्हायरल झाला आहे. आपल्या जोडीदारावर प्रेम व्यक्त करण्यासाठी लोक आजकाल नवनवीन गोष्टी करतात. पण त्यामुळे आपली संस्कृती बदलत आहे आहे असा आरोप सोशल मीडियावर अनेकांनी केला आहे. व्हायरल झालेल्या व्हिडिओमध्ये तुम्ही पाहू शकता की, वर आपल्या वधूच्या भांगेत कुंकू भरतो त्यानंतर वधूलाही आपल्या भांगेत कुंकू भरण्यास सांगतो. हे ऐकून नवरीला हसू येते आणि ती नकार देते. यानंतर वधूही हसत हसत नवरदेवाच्या भांगेत कुंकू भरते. इंस्टाग्रामवर या जोडप्याने हा व्हिडीओ शेअर केला आहे. पोस्टमध्ये सांगितले आहे की, ते दोघे पहिल्यांदा जिममध्ये भेटले होते. कुश राठौर असे या व्यक्तीचे नाव आहे, तर त्याच्या पत्नीचे नाव कसक गुप्ता आहे.
हेही वाचा – ‘What’s wrong with India’ हा हॅशटॅग का होतोय ट्रेंड? सोशल मिडियावर पेटला नवा वाद
हेही वाचा – कपडे इस्त्री करण्यासाठी महिलेने वापरला प्रेशर कुकर; जुगाड पाहून नेटकऱ्यांनी केले ट्रोल, म्हणाले……
कुशने सांगितले की कसक हे त्यांची सिनिअर होती. २०१३मध्ये त्यांनी पहिल्यांदा बोलण्याचा प्रयत्न केला. काही काळ डेटिंग केल्यानंतर दोघांनी लग्न केले. मात्र, आता लोक या व्हिडिओवर समिश्र प्रतिक्रिया देत आहेत. काही लोकांनी संस्कृती बदलण्याचा आरोप करत टिका केली तर काहींनी नवीन प्रथा निर्माण केल्याबद्दल त्याचे कौतूक केले. एकाने व्हिडीओवर कमेंटर करत म्हटले, “सुंदर” तर दुसऱ्याने लिहिले, हे मी पाहिलेले आतापर्यंतचे सर्वात सुंदर रिल आहे. संपूर्ण कुटुंबासमोर हे करण्यासाठी खूप हिंमत्त लागते. ब्राव्हो! तिसऱ्याने लिहिले, ही फार छोटी गोष्ट आहे पण तितकीच वेगळी आहे.” चोथ्याने असे लिहिले, अरे यार, कुठे मिळतात अशी मुलं आजकाल”
