प्रेम आंधळं असतं आणि प्रेम म्हंटल की प्रेमवीरांच्या भन्नाट कहाण्याही चर्चेच येत असतात. प्रेमात लोक वेडी होतात असं नेहमी बोललं जातं. मात्र प्रेमात वेडी असणारी लोक काय करतील याचा काही नेम नाही. नेमकी अशीच एक घटना घडलीय. एका मुलीने आपल्या बॉयफ्रेंडला जळवण्यासाठी जे काम केलंय ते तिला चांगलंच महागात पडलंय. बॉयफ्रेंडला जळवण्याचा नादात तिने असं काही केलं की ते पाहून तुम्ही सुद्धा हैराण व्हाल. याचा एक व्हिडीओ तिने स्वतः शूट करून सोशल मीडियावर शेअर केलाय. हा व्हिडीओ सध्या प्रचंड व्हायरल होत असून सोशल मीडियावर चर्चेचा विषय बनलाय. हा व्हिडीओ तुम्ही एकदा पाहाच.
सोशल मीडियावर व्हायरल होत असलेल्या या व्हिडीओमधली मुलगी तिच्या बॉयफ्रेंडला जळवण्यासाठी एका दुसऱ्या मुलासोबत लग्न करण्यासाठी तयार होते. नववधूप्रमाणे भर जरी लेहेंगा आणि दागदागिने घालून ती आपल्या होणाऱ्या पतीसोबत एका स्टुडिओमध्ये पोहोचते. तिचं लग्न होत असताना तिचा बॉयफ्रेंड येऊन हे लग्न थांबवेल, अशी आशा या मुलीला असते. पण होत काहीतरी भलतंच. तिथल्या स्टुडिओमध्ये ती गाणं गाण्याबाबत बोलत असते. तिथल्या एका व्यक्तीने तिला विचारलं की, कोणासाठी गाण गायचं आहे. त्यावर ही मुलगी उत्तर देते, “माझ्या ‘एक्स’साठी”. धक्कादायक म्हणजे तिच्यासोबत तिचा होणारा पती उभा असताना तिने तिच्या बॉयफ्रेंडसाठी गाणं गाण्याची इच्छा व्यक्त केली.
आणखी वाचा : नवरदेवाच्या जबरदस्त डान्सपुढे नवरी सुद्धा फिकी पडली; वऱ्हाडी सुद्धा झाले अवाक, पाहा VIRAL VIDEO
स्टूडिओमधल्या एका व्यक्तीने जेव्हा या मुलीला तिच्या बॉयफ्रेंडचं नाव काय, असं विचारलं. त्यावर तिने बॉयफ्रेंडचं नाव सांगण्यासाठी नकार दिला. जर तिने या व्हिडीओमध्ये तिच्या बॉयफ्रेंडचं नाव घेतलं त्याची बदनामी होईल, असं कारण देत तिने नाव सांगण्यास नकार दिला. यावरून तिचं तिच्या बॉयफ्रेंडवर किती खरं प्रेम आहे, हे दिसून आलं. आपल्या बॉयफ्रेंडला जळवण्यासाठी तिने दुसऱ्या मुलासोबत लग्न करण्याचा निर्णय घेतला खरा…पण हेच तिच्या अंगलट आलं. तिचं लग्न तिचा बॉयफ्रेंड आलाच नाही. म्हणून ही मुलगी कॅमेऱ्या समोर ढसाढसा रडू लागते. यापुढे जे समोर येतं ते तर याहूनही फार मजेदार आहे. पुढे ही मुलगी जे सांगते ते पाहून तुम्ही पोट धरून हसाल.
आणखी वाचा : VIRAL VIDEO : पतंग उडवता उडवता थेट आकाशातच पोहोचला, दोरीला पकडत हवेतच लटकत राहिला, पाहून हैराण व्हाल!
इथे पाहा हा व्हायरल व्हिडीओ :
जेव्हा विचारलं की, “तू का रडत आहेस?” तर ती उत्तर देते, ‘मी माझ्या बॉयफ्रेंडवर खूप प्रेम करते, पण तो दुसऱ्याच कोणत्या तरी मुलीवर प्रेम करतो. त्याला जळवण्यासाठी मी लग्नाचं खोटं नाटक केलं होतं, पण तो माझं लग्न थांबवायला आलाच नाही. मी उध्वस्त झाले आहे.”. मुलीचं हे उत्तर ऐकून सारेच जण अगदी हैराण झाले. सोबतच लोकांना हसू देखील आवरता येत नाहीय.
आणखी वाचा : सेम टू सेम श्रीदेवीसारखी दिसणारी तरूणी आहे तरी कोण ? VIRAL VIDEO पाहून तुम्ही सुद्धा व्हाल हैराण !
हा व्हिडीओ इन्स्टाग्रामवर bhutni_ke_memes नावाच्या अकाऊंटवरून शेअर करण्यात आला आहे. हा व्हिडीओ लोकांना खूपच आवडला आहे. या व्हिडीओला हजारो लोकांनी पाहिलं असून लाईक्सचा वर्षाव सुरू आहे. लोक या व्हिडीओखालील कमेंट्स सेक्शनमध्ये वेगवेगळ्या प्रतिक्रिया शेअर करत आहेत. हा मजेदार व्हिडीओ पाहून लोक मनसोक्त आनंद घेताना दिसून येत आहेत.
