Brother-Sister Viral Video: वयाने कितीही मोठे झाले तरीही बहीण-भावामधील भांडण कधीही न संपणारे असते. बहीण-भावामधील प्रेम आणि भांडणं हे जगजाहीर असतात. ही भावंडं एकमेकांबरोबर क्षणात भांडतात आणि क्षणात पुन्हा एकत्र येतात. पण, हळूहळू आपण मोठे होतो तसे कामानिमित्त किंवा बहिणीचे लग्न झाल्यानंतर आपल्या बहीण-भावांपासून आपण दूरावतो. मग ही भेट फक्त रक्षाबंधन, भाऊबीज आणि एखाद्या कार्यक्रमातच होते. अनेकदा तर काही भावंडं मोठे झाल्यावर एकमेकांपासून एवढे दूरावतात, ज्यात ते कधी एकमेकांना भेटतही नाहीत. आजच्या काळात ही हक्काची, रक्ताची नाती आयुष्यभर टिकवून ठेवणंही खूप कठीण झालं आहे. पण आता असा एक व्हिडीओ खूप व्हायरल होतोय, ज्यात एक वृद्ध बहीण-भाऊ रक्षाबंधन साजरा करताना दिसत आहेत. हा व्हिडीओ जरी रक्षाबंधनचा असला तरीही तो सध्या सोशल मीडियावर खूप व्हायरल होत आहे.
सोशल मीडियावर सतत विविध प्रकारचे व्हिडीओ आपल्याला पाहायला मिळतात; ज्यात कधी मनोरंजन करणारे तर कधी आपल्या मनाला भावूक करणारे व्हिडीओ असतात. आता असाच एक व्हिडीओ समोर आला आहे, ज्यात एका वृद्ध बहीण-भावाचं एकमेकांबद्दल असलेलं प्रेम पाहायला मिळत आहे. हा व्हिडीओ पाहून युजर्स खूप कौतुक करताना दिसत आहेत.
या व्हिडीओमध्ये तुम्ही पाहू शकता की, एका घरामध्ये एक ८६ वर्षाचा भाऊ त्याच्या ८८ वर्षांच्या बहिणीकडून रक्षाबंधन करून घेण्यासाठी तिच्या घरी पोहोचला आहे. यावेळी वृद्ध बहीण भावाला राखी बांधून त्याचे औक्षण करते. भावा-बहिणीतील हे अतूट नातं पाहून नेटकरी अनेक कमेंट्स करताना दिसत आहेत. हा व्हिडीओ शेअर करणाऱ्या व्यक्तीने कॅप्शनमध्ये, “आजकालच्या या फसव्या जगात बहीण-भावाचं असं प्रेम बघायला मिळणं अवघड आहे. बहीण-भावाचं प्रेम असावं तर असं”, हे सुंदर कॅप्शन देण्यात आलं आहे.
पाहा व्हिडीओ:
हा व्हिडीओ इन्स्टाग्रामवरील @rajdhani_satara03 या अकाउंटवरून शेअर करण्यात आला आहे. त्यावर आतापर्यंत हजारो व्ह्यूज आणि अनेक लाइक्स मिळाल्या आहेत. या व्हिडीओवर अनेक युजर्स कमेंट्स करीत आहेत.
एका युजरने कमेंटमध्ये लिहिलेय की, “खूप सुंदर”, तर दुसऱ्या युजरने लिहिलेय की, “सुंदर नातं.” तर आणखी एकाने लिहिलेय की, “नातं असावं तर असं.”
