Viral Video: सोशल मीडियावर नेहमी अनेक प्रकारचे व्हिडीओ व्हायरल होत असतात. त्यातील काही व्हिडीओ मजेशीर असतात; तर काही व्हिडीओ बघून अंगावर काटा येतो. आता पंजाबमधील लुधियाना येथून एक धक्कादायक दुर्घटना समोर आली आहे. या घटनेत एका चिमुकल्यासह रस्त्यावरून जात असलेल्या एका महिलेचा अपघात होता होता वाचला.
आयुष्य अतिशय क्षणिक आहे. आता हसत-खेळत असणाऱ्या माणसाचं पुढच्या क्षणी काय होईल, याची कोणालाही कल्पना नसते. पण, असा एखादा हादरा बसतो की, आपण सुन्न होतो. अशीच एक मन हेलावणारी, हृदयद्रावक घटना लुधियाना परिसरात घडली आहे. पंजाबमधील लुधियाना येथून एक धक्कादायक घटना समोर आली आहे. त्यात चार मजली इमारत कोसळली; परंतु त्यातून एका महिलेचा गंभीर अपघात होता होता वाचला. ही संपूर्ण घटना कॅमेऱ्यात कैद झाली असून, या घटनेचा व्हिडीओ सोशल मीडियावर व्हायरल होत आहे.
हेही वाचा… “या दोघींना पट्ट्याने मारायला हवं”, असं का म्हणतायत नेटकरी, VIDEO पाहून कळेल नेमकं कुठे चुकलं
व्हायरल व्हिडीओ
व्हायरल झालेला हा व्हिडीओ पाहून अनेकांच्या काळजाचा ठोका चुकला आहे. व्हिडीओमध्ये एक इमारत अचानक कोसळताना दिसतेय. तिथे आजूबाजूला असलेली माणसं इमारत कोसळल्याचं पाहून तिथून आपला पळ काढताना दिसतात. या गर्दीत एक महिला आपल्या चिमुकल्याला उराशी घेऊन तिथून धाव घेताना दिसतेय.
मंगळवारी (१ ऑक्टोबर) लुधियानाच्या जुन्या बाजारात ही घटना घडली. सुमारे १०० वर्षे जुनी असलेली इमारत कोसळून खाली पडली. इमारत कोसळल्याने परिसरातील नागरिकांची धावपळ सुरू झाली. फ्री प्रेस जर्नलच्या वृत्त्तानुसार या घटनेत सुमारे दोन जण जखमी झाल्याचे वृत्त आहे. या घटनेत महिला आणि तिचा मुलगा किरकोळ जखमी झाले आहेत.
हेही वाचा… VIDEO: “ऐ, आधी काच खाली घे मग पुढचं बोल”, पुण्यात रिक्षाचालकाची दादागिरी; भररस्त्यात काय केलं पाहा
हा व्हिडीओ @hamariawaz_news या एक्स अकाउंटवरून शेअर करण्यात आला असून, सध्या सोशल मीडियावर तुफान व्हायरल होत आहे. “लुधियानाच्या जुन्या मार्केटमध्ये कोसळणाऱ्या इमारतीखाली येता येता एक महिला थोडक्यात बचावली. जुन्या मार्केटमधील १०० वर्षांपूर्वीची जुनी इमारत अचानक कोसळली. याचा सीसीटीव्ही व्हिडीओ व्हायरल झाला आहे.” असं कॅप्शन या व्हिडीओला देण्यात आलं आहे.
