Viral video: जगात सर्वात जास्त प्रेम करणारे आई-वडिल बऱ्याचदा आपल्या मुलांच्या जीवावर उठतात. असा विचार केला तरी अंगावर काटा येतो. मात्र प्रत्यक्षात अशा काही घटनाही समोर येतात जिथे आई-वडिल मुलांसाठी काळ ठरतात. अशीच एक धक्कादायक घटना समोर आलीय. स्वत:च्या हट्टपायी आणि प्रसिद्धीच्या हव्यासापोटी काही पालक आपल्याच मुलांना नको ते करायला भाग पाडतात. किंवा आपल्यासोबतच आपल्या मुलांचाही जीव धोक्यात घालतात. असाच एक व्हिडीओ सध्या सोशल मीडियावर व्हायरल होत आहे. हा व्हिडीओ पाहून बाप आहे की हैवान? असा प्रश्न तुम्हीही विचाराल…
एका वडिलांनी स्वत:ची हौस पूर्ण करण्यासाठी आपल्या मुलासोबत बंजी जंप करताना दिसत आहेत. बंजी जंपिंग दरम्यान, वडील कोणत्याही सुरक्षेशिवाय मुलाला आपल्या मिठीत धरुन हजारो फूट उंचावरुन उडी मारत आहेत. जे खूप धोकादायक आहे. या बंजी जंपिंगमध्ये वडिलांनी पूर्ण सुरक्षितता घेतली आहे पण मुलाला ना बांधले आहे ना सुरक्षेसाठी कोणते जॅकेट घातले. यामध्ये वडिलांचा निष्काळजीपणा स्पष्ट दिसतो. सोशल मीडियावर हा व्हिडीओ व्हायरल झाला असून लोक या वडिलांना जगातील सर्वात वाईट पिता म्हणत अटक करण्याची मागणी करत आहेत. कोणत्याही सुरक्षिततेशिवाय आपल्या मुलाला आपल्या मिठीत घेऊन हजारो फूट उंचीवरून उडी मारणे खरोखरच धोकादायक आहे.
पाहा व्हिडीओ
हेही वाचा >> अमेरिकेची लेक भारताची सून; अमेरिकन नवरी नवऱ्याला चोरून पाहतानाचा VIDEO तुफान व्हायरल
हा व्हिडिओ लाफ्टरकलर्स नावाच्या इंस्टाग्राम अकाउंटवर शेअर करण्यात आला आहे. ज्याला आतापर्यंत २ मिलियन पेक्षा जास्त वेळा पाहण्यात आले आहे, तर जवळपास ३१ हजार लोकांनी या व्हिडिओला लाईक केले आहे. यावर युजर्स कमेंटही करत आहेत. एका यूजरने लिहिले… मला वाटते बंजी जंपिंगसाठी वयोमर्यादा असली पाहिजे. दुसऱ्या यूजरने लिहिले… मूर्ख वडील, त्याला माहित नाही का ते किती धोकादायक असू शकते? तर दुसऱ्या वापरकर्त्याने लिहिले…त्याला अटक केली पाहिजे.
दरम्यान दोन दिवसांपूर्वी असंच एक प्रकरण समोर आलं होतं, यामध्ये फिटनेसबाबत सतर्क असणाऱ्या बापाने आपला मुलगा जाड असल्याने त्याचा जीव घेतला आहे. सहा वर्षीय मुलाचं वजन जास्त असल्याने एका बापाने अत्यंत संतापजनक कृत्य केले आहे. बालकाचं वजन कमी करण्यासाठी अवघ्या ६ वर्षाच्या मुलाला जीममध्ये नेऊन ट्रेडमिलवर पळवले. मशीनवर अधिक धावल्याने या मुलाचा मृत्यू झाला आहे.
