Petrol pump employee broke car glass viral video: गेल्या अनेक वर्षांत चोरीच्या घटना वाढत चालल्या आहेत. दिवसाढवळ्या चोर लोकांच्या घरात घुसून चोरी करत आहेत; तर कधी रेल्वेमध्ये पाकिटमार, फोन चोरण्याच्या चोरांची दहशत वाढू लागली आहे. गुन्हेगारी इतकी वाढू लागली आहे की, माणूस माणुसकी विसरत चालला आहे. चोरीच्या घटनांचे असे अनेक व्हिडीओ सोशल मीडियावर व्हायरल होत असतात.
सध्या अशीच एक घटना एका ठिकाणी घडली, ज्याचा व्हिडीओ सोशल मीडियावर व्हायरल होतोय. या व्हिडीओमध्ये चक्क एका कारचालकाने पेट्रोलची चोरी केली. नेमकं घडलं काय ते जाणून घेऊया…
व्हायरल व्हिडीओ
सोशल मीडियावर व्हायरल झालेला हा व्हिडीओ सध्या चर्चेत आहे. या व्हिडीओमध्ये एक कारचालक आपल्या कारचं पेट्रोल भरण्यासाठी पेट्रोल पंपावर आल्याचं दिसतंय. पेट्रोल पंपावर आल्यावर पेट्रोल भरताच कारचालकाने तिथून पळ काढण्याचा प्रयत्न केला. पेट्रोलचे पैसे न देता हा माणूस पळ काढण्याचा प्रयत्न करतोय. हे लक्षात येताच पेट्रोल पंपावरील कर्मचाऱ्याने कारवर हल्ला केला. कारची मागील काच जोरात फोडत त्याने चोराला चांगलीच शिक्षा दिली.
व्हिडीओची लिंक
https://www.instagram.com/reel/DAi0CanN9ls/?igsh=MTUwZG8zMDUyd2g2ag%3D%3D
हा व्हायरल व्हिडीओ @first..editor..07 या इन्स्टाग्राम अकाउंटवरून शेअर करण्यात आला असून “पाचशेचं पेट्रोल आणि तीन हजारांची काच” असं कॅप्शन या व्हिडीओला ददेण्यात आले आहे. या व्हिडीओला आतापर्यंत लाखांपेक्षा जास्त व्ह्यूज आले आहेत. यादरम्यान, ही घटना नेमकी कुठे घडली हे अद्याप कळू शकलेले नाही.
हेही वाचा… जेवताना अचानक समोर आला माकड, प्राणी पाहतान काकांनी केलं असं काही की…, VIDEO पाहून व्हाल अवाक
युजर्सच्या प्रतिक्रिया
सोशल मीडियावरील हा व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “कर्मचाऱ्याने एकदम बरोबर केलं.” तर दुसऱ्याने “आता त्यांना अक्कल येईल, अशी पेट्रोलची चोरी करून स्वत:ला खूप हुशार समजतात हे लोक.” तर एक जण म्हणाला की, “एका हाताच्या प्लास्टरचा खर्च येईल भावाला”, अशी कमेंट केली.
