आयुष्यात असे काही प्रसंग येतात जिथे एक अडचण सोडवण्याच्या नादात होतं भलतंच आणि दुसरी अडचणी हसत हसत आपल्या दारी येत असते. करायला जातो एक होतं दुसरंच काही. मग त्यानंतर पश्चाताप करण्याची वेळ येते. आयुष्यात कधी कधी असे काही प्रसंग घडतात जिथे हसावं की रडावं देखील त्या क्षणी आपल्याला सुचत नाही. असाच एक व्हिडीओ सोशल मीडियावर समोर आला आहे. या व्हायरल व्हिडीओमध्ये एका खड्ड्यात अडकलेली कार बाहेर काढण्याचे प्रयत्न सुरू असल्याचं दिसत आहे. पण होतं भलतंच आणि हे पाहून लोकांना त्यांचं हसू आवरता येत नाहीय. हा मजेदार व्हायरल व्हिडीओ एकदा पाहाच.
या व्हायरल व्हिडीओमध्ये तुम्ही पाहू शकता की, रस्त्याच्या कडेला एका भल्यामोठ्या खड्ड्यात कार पडलेली दिसत आहे. या कारला खड्ड्यातून बाहेर काढण्यासाठी तिथले लोक प्रयत्न करताना दिसत आहेत. एक ट्रक त्यांना ही कार खड्ड्यातून बाहेर काढण्यासाठी मदत करायला येतो. हा ट्रक या कारला बाहेर काढण्याची पूर्ण तयारी करतो. कारला बांधलं जातं आणि ट्रकच्या मदतीने कारला खेचण्याचा प्रयत्न करतात. ट्रकच्या जोराने ही कार खड्ड्याबाहेर येत खरी, पण पुढे जे घडतं ते पाहून तुम्ही पोट धरून हसाल.
आणखी वाचा : VIRAL VIDEO : फाईव्ह स्टार हॉटेलचा कर्मचारी आहे ‘हा’ कुत्रा, मिळतो तगडा पगार
या कारला ट्रकने खेचून खड्ड्याबाहेर आणलं तर खरं पण कुठे थांबवयचं याचं गणित कदाचित या तिथल्या लोकांना जमलं नाही. ही कार जशीच खड्ड्यातून बाहेर पडली तसे तिथले सारेच जण आनंदी झाले. पण त्यांचा हा आनंद जास्त काळ काह टिकला नाही. कारण ही कार खड्ड्यातून बाहेर पडल्यानंतर हळुहळू बरोबर समोर असलेल्या आणखी एका दुसऱ्या खड्ड्यात जाऊन पडते. आधीच्या खड्ड्यात तर ही कार बरी होती, पण दुसऱ्या खड्ड्यात गेल्यानंतर या कारच्या पुढच्या भागाचा चेहरामोहराच बदलून गेला. हे दृश्य पाहून ‘आसमान से गिरा खजूर में अटका’ ही म्हण तुमच्या तोंडून निघेल. एका खड्ड्यातून कार बाहेर काढण्याच्या नादात दुसऱ्या खड्ड्यात गेलेली कार पाहून बिचाऱ्या कारमालकाने डोक्यालाच हात लावला.
आणखी वाचा : VIRAL VIDEO : बाळाला पाठीवर घेऊन महिला सफाई कामगार करतेय ड्यूटी, याला जिद्द म्हणावे की मजबुरी?
इथे पाहा हा व्हायरल व्हिडीओ :
आणखी वाचा : चक्क पोपटाने महिलेला ‘आई’ म्हणून हाक मारायला सुरुवात केली, दोघांमधील संभाषणाचा हा VIDEO VIRAL
हा मजेदार व्हिडीओ LosDarwinAwards नावाच्या ट्विटर अकाउंटवरून शेअर केलाय. हा व्हिडीओ बघता बघता इतका व्हायरल झालाय की आतापर्यंत या व्हिडीओला २ लाख ७० हजारांपेक्षा जास्त व्ह्यूज मिळाले आहेत. तर आठ हजारांपेक्षा जास्त लोकांनी या व्हिडीओला लाईक देखील केलंय. हा व्हिडीओ पाहून लोक वेगवेगळ्या प्रतिक्रिया शेअर करत आहेत. काहींना तर व्हिडीओ पाहून हसू आवरेना. तर काही युजर्सनी म्हटलंय की, “कार खड्ड्यातून बाहेर आल्यानंतर तिला कंट्रोल करण्यासाठी कुणीतरी आतमध्ये बसायला हवं होतं.” तर काही युजर्सनी या व्हिडीओवर वेगवेगळे विनोद शेअर सुरू करण्यास सुरूवात केलीय.
