जगभरात दररोज शेकडो रस्ते अपघात होत असतात. ज्यामध्ये अनेकांना मृत्य होतो. कधी ओव्हरस्पीड, कधी ओव्हरटेकिंग, तर कधी निष्काळजीपणामुळे चालकाचे लक्ष विचलित होते आणि असे अपघात घडतात. रस्ते अपघाताशी संबंधीत अनेक व्हिडीओ सोशल मीडियावर व्हायरल होत असतात, जे थरकाप उडवणारे असतात. यात अनेकदा एका चालकाची चूक दुसऱ्या चालकाला भोगावी लागते. अशाच प्रकारच्या भीषण अपघाताचा व्हिडीओ सध्या सोशल मीडियावर व्हायरल होत आहे. ज्यामध्ये एक भरधाव वेगाने कारने दुचाकीस्वाराला जोरदार धडक दिली आणि ती दुचाकी अनेक किलोमीटरपर्यंत फरफटत नेते. हा अपघात इतका भयंकर होता की, ज्यात रस्त्यावर घासटून बाईकचा चक्काचूर होताना दिसत आहे. या थरारक घटनेचा व्हिडिओ व्हायरल झाला आहे.
व्हायरल झालेल्या व्हिडिओमध्ये दिसत आहे की, एक दुचाकी कारखाली अडकली आहे आणि चालक तिला तशीच भरधाव वेगाने फरफटत नेत आहे. अशा स्थितीतही कारचा वेग काही कमी होत नाही. धक्कादायक बाब म्हणजे ही कार दुचाकीला जवळपास १० किलोमीटरपर्यंत अशीच फरफटत नेत राहिली. कारच्या चाकात दुचाकी अडकल्याची माहितीही चालकाला नव्हती. ही दुचाकी रस्त्याने फरफटत जात असताना आगीच्या ठिणग्या उडत आहेत.
या भयंकर अपघाताचा व्हिडिओ मागील कारमधील एका व्यक्तीने शूट केला आहे. ही घटना उत्तर प्रदेशातील रायबरेली येथील असल्याची माहिती आहे. भरधाव वेगाने येणाऱ्या कारने प्रथम दुचाकीला जोरदार धडक दिली, त्यानंतर दुचाकील १० किलोमीटरपर्यंत फरफटत पुढे नेले. कारच्या मागे चालत असलेल्या काही लोकांनी या घटनेचा व्हिडिओ बनवला. टोल नाक्यावर पोलिसांनी कार चालकाला ताब्यात घेतल्याचे सांगण्यात येत आहे. अशाप्रकारे रस्ता अपघाताची ही पहिलीच घटना नाही. यापूर्वीही असे अनेक अपघात घडले आहेत. भारतात रस्ते अपघातात दररोज अनेकांना जीव गमवावा लागतो.
