मान्सूनचं आगमन होताच मुंबईत ९ जूनपासून पावसाने कहर केला. सलग तीन ते चार दिवस पाऊस कोसळत होता. पहिल्याच पावसाने मुंबई तुंबली. मुंबईकरांना दरवर्षीप्रमाणे समस्यांना तोंड द्यावं लागलं. सलग तीन-चार दिवसांपासून सुरू असलेला पाऊस थांबला आणि मुंबईची चर्चाही. पण रविवारी समोर आलेल्या एका व्हिडीओनं सगळ्यांनाच धक्का दिला. पार्किंगमध्ये उभी असलेली कार बघता बघता बुडाली आणि या व्हिडीओनं देशाचं लक्ष वेधून घेतलं. तर नेटकऱ्याना मीम्ससाठी नवीन विषय मिळाला आहे.
शनिवारी दुपारपासून पावसाने उसंत घेतली. त्यामुळे मुंबई पुन्हा पूर्वपदावर येऊ लागली. सर्व सुसळीत होत असताना घाटकोपर परिसरात असलेल्या एका सोसायटीच्या पार्किंगमध्ये उभी असलेली कार राष्ट्रीय बातमीचा विषय ठरली. घाटकोपर पश्चिममधील कामा लेन येथे असलेल्या रामनिवास या जुन्या सोसायटीत असलेली विहिरीवर सोसायटीने सिमेंटचं छत तयार करून झाकलेली होती व त्यावर सोसायटीतील रहिवाशी वाहनं पार्क करीत असत. मात्र, तीन-चार दिवस झालेल्या पावसामुळे या विहिरीवरील सिमेंट छत खचले. यावेळी इथे पार्क करण्यात आलेली पंकज मेहता यांची कार विहिरीत बुडाली. या घटनेचा व्हिडीओ व्हायरल झाल्यानंतर आणि सगळ्यांचच चर्चेचा विषय ठरला आहे.
सोसायटी ५० फूट खोल विहीर आहे. कपाऊंडच्या आतच असलेली ही विहीर शंभर वर्ष जुनी आहे. त्यामुळे सिमेंटच्या साहाय्याने तिच्या छत तयार करून ती झाकली होती. या जागेचा वापर सोसायटीच्या पार्किंगसाठी केला जातो, असं सोसायटीतील रहिवाशांनी सांगितलं. या घटनेची माहिती मिळाल्यानंतर महापालिकेनं काम सुरू केलं आहे. विहिरीतील पाणी उपसलं जात असून, त्यानंतर क्रेनच्या साहाय्याने ही कार बाहेर काढली जाणार आहे. सुदैवाने या घटनेत कुणाचाही मृत्यू झालेला नाही. संबंधित विभागाला विहिरीतील पाणी उपसण्यास सांगण्यात आले आहे, अशी माहिती महापालिकेच्या अधिकाऱ्याने माध्यमांना दिली.
mumbai देखते देखते डूब गई कार (Ghatkopar)#कार #car #drowncar #carinwater #water #ViralVideo pic.twitter.com/wZF68cyIZx
— Journoajaz (@Journoajazkhan) June 13, 2021
काँग्रेसची महापालिकेवर टीका
या घटनेवरून काँग्रेसचे नेते संजय निरुपम यांनी मुंबई महापालिका आणि अप्रत्यक्षपणे शिवसेनेवर निशाणा साधला आहे. निरुपम घटनेचा व्हिडीओ ट्विट केला आणि “अद्भूत! मुंबईतील घाटकोपर परिसरात हळूहळू बुडत असलेली कार… मुंबईतील नागरी सुविधा कशा पद्धतीने रसातळाला चालल्या आहेत, याचंच हे एक उदाहरण आहे. बृहन्मुंबई महापालिकेनं प्रसिद्धीतून वेळ मिळाल्यास याकडेही लक्ष द्यावं,” असा टोला निरुपम यांनी लगावला आहे.
या घटनेनंतर ट्विटरवर घाटकोपर हा हॅशटॅग ट्रेंड झाला आहे. या घटनेवर आता मीम्स व्हायरल होतं आहे. तर काहीजणांनी मीम्सच्या माध्यमातून महापालिकेवर टीकाही केली आहे.
घाटकोपरकर आता उशीर झाला
#Ghatkopar its too late now pic.twitter.com/nKpmdCya3i
— (फियर को : पार कर) (@freekoparker) June 13, 2021
#Shivsena #BMC
That car in #Ghatkopar: pic.twitter.com/5iFCImWuJV— Last Human (@pLastHuman) June 13, 2021
कारचा मालक येऊन बघतो आणि म्हणतो कार तर इथेच पार्क केली होती
#ShivSena
When Car owner visited #ghatkopar and see there is no car pic.twitter.com/Qxqcuj3heT— Jaadu (@_jaadu_) June 13, 2021
कार पार्किंगचा अनुभव सांगताना मुंबईकर
हेही वाचा- दहा दिवसांतच महिन्याभराचा पाऊस
Mumbaikars explaining their experiences with car parking #Ghatkopar pic.twitter.com/DwR2KS74jb
— Azhar Jafri (@zhr_jafri) June 13, 2021
मालकाचा निरोप घेताना कार
The car in #Ghatkopar to it’s owner : pic.twitter.com/3vEGXXndLZ
— UmderTamker (@jhampakjhum) June 13, 2021
मुंबईकरांना नियम समजावून सांगताना महापालिका
Nothing just BMC explaining terms and conditions to live in mumbai…#bmc #Ghatkopar pic.twitter.com/8B6vhsy7vC
— Sagar Prajapati (@haramians_1374) June 13, 2021
मुंबईत पाऊस कमी, तरीही रस्ते पाण्यात
मुंबईत शनिवारी तुलनेने कमी पाऊस होऊनही अनेक भागांत पाणी तुंबले आणि मुंबईचा वेग मंदावला. रेल्वे रूळांवर पाणी साचल्याने मध्य, हार्बर मार्गावरील रेल्वे वाहतूक काही काळ विस्कळीत झाली. तर दादर, शीव येथील डॉ. बाबासाहेब आंबेडकर मार्गावर पाणी तुंबल्याने वाहतुकीचा खोळंबा झाला. पहाटेपासून सुरू असलेली मुसळधार आणि दुपारी समुद्रास आलेली भरती यामुळे साचलेल्या पाण्याचा निचरा न झाल्याने मुंबईकरांचे हाल झाले.
